ໃນຕອນບ່າຍວັນທີ 30 ເມສາ 2024 ຜ່ານມາ, ທີ່ພະແນກກະສິກໍາ ແລະ ປ່າໄມ້ແຂວງໄຊຍະບູລີ ໄດ້ຈັດພິທີ ມອບ-ຮັບ ພາຫະນະ (ລົດຈັກ) Honda Wave 110 i ໃຫ້ 3 ເມືອງເປົ້າໝາຍຄື: ເມືອງໄຊສະຖານ, ເມືອງແກ່ນທ້າວ ແລະ ເມືອງບໍ່ແຕນ ເພື່ອນໍາໃຊ້ເຂົ້າໃນວຽກງານໂຄງການ GFLL (ໂຄງການຄຸ້ມຄອງປ່າໄມ້ແບບພູມມີທັດ ແລະ ສົ່ງເສີມຊີວິດການເປັນຢູ່ພາກເໜືອ) ໃຫ້ກຽດກ່າວມອບໂດຍທ່ານ ນາງ ເພັດສົມພອນ ວົງຫາຈັກ ຫົວໜ້າພະແນກບໍລິຫານ ກົມປ່າໄມ້ ແລະ ກ່າວຮັບໂດຍທ່ານ ຄໍາເກິງ ພັນລັກ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງໄຊຍະບູລີ, ມີຕາງໜ້າ 3 ເມືອງ ແລະ ພະນັກງານຂະແໜງປ່າໄມ້ເຂົ້າຮ່ວມ.
ໃນພິທີມອບ-ຮັບພາຫະນະ (ລົດຈັກ) Honda Wave 110 i ໃຫ້ 3 ເມືອງເປົ້າໝາຍພາຍໃນແຂວງໄຊຍະບູລີ ຄື: ເມືອງໄຊສະຖານ, ເມືອງແກ່ນທ້າວ ແລະ ເມືອງບໍ່ແຕນຈໍານວນ 12 ຄັນ, ເມືອງລະ 4 ຄັນ ລວມມູນຄ່າ 524,800.000 ກວ່າກີບ ໃຫ້ກຽດກ່າວມອບໂດຍທ່ານ ນາງ ເພັດສົມພອນ ວົງຫາຈັກ ຫົວໜ້າພະແນກບໍລິຫານ ກົມປ່າໄມ້ ແລະ ໃຫ້ກຽດກ່າວຮັບໂດຍທ່ານ ຄໍາເກິງ ພັນລັກ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງໄຊຍະບູລີ ໂດຍຊ່ອງໜ້າບັນດາທ່ານທີ່ເຂົ້າຮ່ວມ. ຈາກນັ້ນ ທ່ານ ຄໍາເກິງ ພັນລັກ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງໄຊຍະບູລີ ກໍ່ໃຫ້ກຽດມອບພາຫະນະ(ລົດຈັກ)ໃຫ້ບັນດາ 3 ເມືອງ ເປົ້າໝາຍ ເພື່ອຄຸ້ມຄອງນໍາໃຊ້ເຂົ້າໃນວຽກງານ.
ແຫຼ່ງຂ່າວ: News.XBL