ເມື່ອວັນທີ 1 ພຶດສະພາ ທີ່ຜ່ານມາ, ເກີດເຫດຊາຍຊາວຈີນທຳຮ້າຍຕົວເອງ ຢູ່ບ້ານວັງໄຮ, ເມືອງໄຊ, ແຂວງອຸດົມໄຊ, ໂດຍຜູ້ກ່ຽວພະຍາຍາມເອົາຫົວຟາດກັບຝາ ແລະ ມີຜູ້ເຂົ້າມາຊ່ວຍ, ແຕ່ຜູ້ກ່ຽວກໍຍັງແລ່ນຊົນຝາຄືເກົ່າ ຈົນໄດ້ຮັບບາດເຈັບສາຫັດ. ຫຼັງຈາກນັ້ນ ເຈົ້າໜ້າທີ່ກູ້ໄພໄດ້ນຳຕົວສົ່ງໂຮງໝໍເພືອຮັກສາຕົວ, ແຕ່ໃນເວລາຕໍ່ມາ ເຈົ້າໜ້າທີ່ກູ້ໄພໄດ້ຮັບແຈ້ງເຫດຈາກປະຊາຊົນວ່າ: ພົບຄົນໂດດຂົວນ້ຳກໍ3 ບ້ານດອນແກ້ວ, ເມືອງໄຊດ ແຂວງອຸດົມໄຊ (ຂົວໂຮງໝໍແຂວງ) ເມື່ອເຖິງທີ່ເກີດເຫດ ພົບເຫັນຜູ້ເສຍຊີວິດ 1 ຄົນ, ປາກົດວ່າແມ່ນຄົນດຽວກັນທີ່ກູ້ໄພໄດ້ໄປຮັບແລະນຳສົ່ງໂຮງໝໍ ຈາກການພະຍາຍາມທຳຮ້າຍໂຕເອງໃຫ້ໄດ້ຮັບບາດເຈັບ, ຜູ້ກ່ຽວໄດ້ໜີອອກຈາກໂຮງໝໍອອກມາເພື່ອໂດດຂົວຈົບຊີວິດໃນເວລາຕໍ່ມາ.
ສ່ວນສາເຫດທີ່ເຮັດໃຫ້ຜູ້ກ່ຽວທຳຮ້າຍຕົນເອງ ແລະ ໂດດຂົວຈົບຊີວິດ ເຈົ້າໜ້າທີ່ຍັງທຳການສືບສວນຫາສາເຫດ, ຫາກມີລາຍລະອຽດຈະລາຍງານໃຫ້ຊາບຕື່ມໃນພາຍຫຼັງ.
ຂ່າວ: ໜ່ວຍກູ້ໄພສຸກເສີນອົງການກາແດງແຂວງອຸດົມໄຊ