ສຳນັກຂ່າວຕ່າງປະເທດ ລາຍງານໃຫ້ຮູ້ວ່າ: ເມື່ອບໍ່ດົນມານີ້, ກະຊວງສຶກສາທິການຂອງຟິລິບປິນ ໄດ້ສັ່ງພັກໂຮງຮຽນຫຼາຍພັນແຫ່ງທົ່ວປະເທດ, ເນື່ອງຈາກສະພາບອາກາດຮ້ອນອົບເອົ້າສູງ, ສົ່ງຜົນກະທົບຕໍ່ນັກຮຽນປະມານ 3,6 ລ້ານຄົນ ແລະ ຄາດວ່າຈະໄດ້ສັ່ງພັກໂຮງຮຽນອີກຄັ້ງໃນເດືອນພຶດສະພາ ເພາະມີການຄາດຄເນວ່າ: ສະພາບອາກາດຈະຮ້ອນສູງເຖິງ 52 ອົງສາ, ເຊິ່ງອາດຈະສົ່ງຜົນກະທົບຕໍ່ກັບສຸຂະພາບຂອງບັນດານັກຮຽນຈຳນວນຫຼາຍ, ໂດຍອົງການ ເຊບ ເດິ ຊິວເດັນ ຟິລິບປິນ ໄດ້ລະບຸວ່າ: ມີນັກຮຽນລົ້ມປ່ວຍຈາກອາການເປັນວິນ, ອາຈຽນ ແລະ ເປັນລົມ, ເມື່ອຕ້ອງປະເຊີນກັບອາກາດຮ້ອນອົບເອົ້າຫຼາຍໃນໄລຍະນີ້.
ນອກນີ້, ບາງໂຮງຮຽນໃນ ນະຄອນຫຼວງມະນິລາ, ຍັງບໍ່ໄດ້ມີການພັກຮຽນແຕ່ຢ່າງໃດ ແຕ່ໃນການຮຽນ-ການສອນກໍໄດ້ຫາວິທີຄາຍຄວາມຮ້ອນເຊັ່ນ: ພັດລົມມືຖື, ປຶ້ມຮຽນ ຫຼື ໃຊ້ວີເພື່ອພັດຄາຍຮ້ອນແທນ.
ໃນຂະນະດຽວກັນ, ຄູ ແລະ ນັກຮຽນບາງກຸ່ທກໍມີຄວ່ທກັງວົນຫາກຈະຕ້ອງໄດ້ສອນ-ຮຽນຜ່ານອອນລາຍ, ໂດຍສະເພາະໃນພື້ນທີ່ຊົນນະບົດຫ່າງໄກ, ເຊິ່ງບໍ່ສາມາດເຂົ້າເຖິງອິນເຕີເນັດ ອາດເຮັດໃຫ້ບໍ່ສາມາດຮຽນໄດ້ຢ່າງຕໍ່ເນື່ອງ.
ຂ່າວ: CNA