ຈຳນວນອຸບັດເຫດເພິ່ມຂຶ້ນ ທົ່ວແຂວງຫຼວງພະບາງ

0
105

ທ່ານ ພັນຕີ ອານົງ ມິ່ງຄໍາ ຮອງຫົວໜ້າຫ້ອງຕໍາຫຼວດ ຜູ້ຊີ້ນຳວຽກງານຈະລາຈອນ ນະຄອນຫຼວງພະບາງ, ແຂວງຫຼວງພະບາງໄດ້ໃຫ້ສຳພາດໃນວັນທີ 22 ເມສາຜ່ານມາວ່າ: ໃນໄລຍະບຸນປີໃໝ່ລາວມີອຸບັດເຫດເກີດຂຶ້ນທັງໝົດ 20 ລາຍ, ມີພາຫະນະເປ່ເພ 38 ຄັນ, ມີຜູ້ໄດ້ຮັບບາດເຈັບ 27 ຄົນ, ໃນນັ້ນບາດເຈັບເລັກນ້ອຍ 16 ຄົນ, ເຈັບສົມຄວນ 10 ຄົນ, ສາຫັດ 1 ຄົນ, ເສຍຊີວິດ 5 ຄົນ, ຍິງ 1 ຄົນ. ເຊິ່ງທຽບໃສ່ປີ 2023 ທີ່ຜ່ານມາແມ່ນມີອຸບັດເຫດເກີດຂຶ້ນ 8 ລາຍ, ພາຫະນະເປ່ເພ 14 ຄັນ, ຄົນໄດ້ຮັບບາດເຈັບ 14 ຄົນ, ຄົນເສຍຊີວິດ 1 ຄົນ.

อาจเป็นรูปภาพของ 1 คน และ ข้อความ

ສ່ວນສາເຫດຂອງການເກີດອຸບັດເຫດສ່ວນໃຫຍ່ດຶ່ມສິ່ງມືນເມົາ, ແລ່ນລົດໄວ, ບໍ່ປ່ອຍສິດ, ແຊງບໍ່ຮັບປະກັນ, ແລ່ນບໍ່ແນບເສັ້ນ, ແລ່ນກິນທາງ.ນອກນີ້, ທ່ານຍັງໄດ້ຮຽກຮ້ອງໃຫ້ຜູ້ໃຊ້ລົດ-ໃຊ້ຖະໜົນ ສືບຕໍ່ປະຕິບັດກົດລະບຽບການສັນຈອນເພື່ອຫຼຸດຜ່ອນການເກີດອຸບັດເຫດອັນຈະນຳໄປສູ່ການສູນເສຍທາງດ້ານຊີວິດ ແລະ ຊັບສິນຂອງປະຊາຊົນບັນດາເຜົ່າ.

ຂ່າວ: ຫຼວງພະບາງ