ສຳນັກຂ່າວຕ່າງປະເທດລາຍງານໃນວັນທີ 31 ມີນາ 2024 ຜ່ານມາ, ເຈົ້າໜ້າທີ່ຕຳຫຼວດສອບສວນກາງ(CIB) ບຸກຈັບປ້າກັບຫຼານ ຂາຍຢາສະຜົມທີ່ຜະສົມເອງ ໃນນຖານຄວາມຜິດ “ນຳຫີບຫໍ່ ຫຼື ພາສະນະທີ່ສະແດງເຄື່ອງໝາຍການຄ້າ ຂອງບຸກຄົນອື່ນ ທີ່ຈົດທະບຽນໄວ້ແລ້ວ ມາໃຊ້ສຳລັບສິນຄ້າຂອງຕົນເອງ ຫຼື ຂອງບຸກຄົນອື່ນເພື່ອໃຫ້ປະຊາຊົນ ຫຼົງເຊື່ອວ່າເປັນສິນຄ້າຂອງເຈົ້າຂອງເຄື່ອງໝາຍການຄ້າ” ໂດຍຈັບກຸມໄດ້ທີ່ໃນພຶ້ນທີ່ ເມືອງບາງບົວທອງ ແຂວງນົນທະບູລີ ປະເທດໄທ.
ເຈົ້າໜ້າທີ່ໄດ້ທຳການສືບເນື່ອງຈາກກ່ອນໜ້ານີ້ຕົວແທນຜູ້ຮັບມອບອຳນາດຈາກບໍລິສັດຜູ້ເສຍຫາຍໄດ້ເຂົ້າແຈ້ງເບາະແສຕໍ່ເຈົ້າໜ້າທີ່ວ່າມີຜູ້ລັກລອບຈຳໜ່າຍຜະລິດຕະພັນປະເພດຢາສະຫົວຂອງບໍລິສັດທີ່ເປັນຂອງປອມ ຈາກການສືບສວນພົບວ່າ: ຜູ້ຕ້ອງຫາຈະຕ້ອງຊື້ກ່ອງຢາສະຜົມຂອງແທ້ທີ່ໃຊ້ແລ້ວຈາກຮ້ານຊື້-ຂາຍຂອງເກົ່າ ແລະ ນຳມາບັນຈຸຢາສະຜົມທີ່ປະສົມເອງ ໂດຍໃຊ້ວັດຖຸດິບທີ່ຫາຊື້ໄດ້ໃນຕະຫຼາດ ແລະ ຂາຍໃຫ້ລູກຄ້າຕາມຕະຫຼາດນັດໃນລາຄາທີ່ຖືກກວ່າລາຄາແທ້ ນອກຈາກນີ້ຍັງຂາຍໃນກຸ່ມເຟສບຸກ ເຊິ່ງມີຄວາມຍາກໃນການແຍກແຍະຂອງຜູ້ບໍລິໂພກ ເນື່ອງຈາກກ່ອງທີ່ໃຊ້ໃນການບັນຈຸນັ້ນເປັນຂອງແທ້.
ຢ່າງໃດກຕາມເຈົ້າໜ້າທີ່ໄດ້ດຳເນີນການສືບສວນຈົນຮູ້ວ່າ: ສະຖານທີ່ດັ່ງກ່າວເປັນສະຖານທີ່ຜະລິດ ບ່ອນເກັບມ້ຽນສິນຄ້າ ເພື່ອຈຳໜ່າຍ ຈຶ່ງໄດ້ນຳໝາຍຄົ້ນສານຊັບສິນທາງປັນຍາ ແລະ ການຄ້າລະຫວ່າງປະເທດເຂົ້າທຳການກວດຄົ້ນຈຶ່ງພົບຂອງກາງຕາມລາຍການດັ່ງກ່າວ ຈຶ່ງໄດ້ແຈ້ງຂໍ້ກ່າວຫາ ແລະ ຈັບກຸມຜູ້ຕ້ອງຫາເພື່ອດຳເນີນຄະດີຕາມກົດໝາຍ.
ແຫຼ່ງຂ່າວ: CIB