spot_img
Homeຂ່າວກິລາຄັດເລືອກນັກກິລາດອກປີກໄກ່ ເຍົາວະຊົນທີມຊາດລາວ ສາຍເລືອດໃໝ່

ຄັດເລືອກນັກກິລາດອກປີກໄກ່ ເຍົາວະຊົນທີມຊາດລາວ ສາຍເລືອດໃໝ່

Published on

ສະຫະພັນດອກປີກໄກ່ແຫ່ງຊາດລາວ ສາມາດຄັດເລືອກນັກກິລາດອກປີກໄກ່ທີມຊາດລາວ ໃນຮຸ່ນເຍົາວະຊົນ ອາຍຸບໍ່ເກີນ 15 ປີ ແລະ ຮຸ່ນອາຍຸບໍ່ເກີນ 17 ປີ ກຽມສົ່ງເຂົ້າຮ່ວມແຂ່ງຂັນ 2 ລາຍການໃຫຍ່ ກໍຄື ງານແຂ່ງຂັນກິລາດອກປີກໄກ່ ຊິງແຊ໋ມເຍົາວະຊົນ ອາຊຽນ ຈະຈັດຂຶ້ນໃນເດືອນພຶດສະພານີ້ ທີ່ສປປ ລາວ ເປັນເຈົ້າພາບ ແລະ ງານກິລານັກຮຽນອາຊຽນຄັ້ງທີ່ 13 ທີ່ແຂວງດານັງ ສສ ຫວຽດນາມ ຈະຈັດຂຶ້ນໃນເດືອນມີຖຸນາ 2024.

ການແຂ່ງຂັນກິລາດອກປີກໄກ່ ທົ່ວປະເທດ ເພື່ອຄັດເລືອກ ນັກກິລາຮຸ່ນເຍົາວະຊົນທີມຊາດ ໃນຮຸ່ນອາຍຸ 15 ປີ ແລະ 17 ປີ ເພື່ອຄັດເລືອກນັກກິລາພອນສະຫວັນດີເດັ່ນຕິດທີມຊາດ ກຽມສົ່ງເຂົ້າຮ່ວມ 2 ງານໃຫຍ່ ກໍຄື ດອກປີກໄກ່ ຊິງແຊ໋ມເຍົາວະຊົນອາຊຽນ ຈະຈັດຂຶ້ນໃນເດືອນພຶດສະພາ ທີ່ສປປ ລາວ ເປັນເຈົ້າພາບ ແລະ ງານກິລານັກຮຽນອາຊຽນຄັ້ງທີ່ 13 ໃນເດືອນມີຖຸນາ 2024 ທີ່ແຂວງດານັງ ສສ ຫວຽດນາມ ໄດ້ມີຂຶ້ນ ລະຫວ່າງວັນທີ 8-9 ມີນາ ຜ່ານມາ ທີ່ສະໂມສອນ ດອກປີກໄກ່ ເສດຖາ ໃຫ້ກຽດເຂົ້າຮ່ວມ ແລະ ມອບລາງວັນໂດຍທ່ານ ວຽງສະຫວັນ ແສງຈັນ ຮອງປະທານສະຫະພັນດອກປີກໄກ່ແຫ່ງຊາດລາວ.

ລາຍການນີ້ ຈັດຂຶ້ນ ຊຶ່ງມີນັກກິລາ 65 ຄົນ, ຍິງ 8 ຄົນ ຈາກ 12 ພາກສ່ວນເຂົ້າຮ່ວມ, ໃນນັ້ນ ມາຈາກ 5 ແຂວງ ຄື: ຄຳມ່ວນ, ອຸດົມໄຊ, ຫຼວງພະບາງ, ບໍ່ແກ້ວ ແລະ ໄຊຍະບູລີ ມີການຊິງໄຊ 5 ລາຍການ ປະກອບມີ ດ່ຽວຊາຍຮຸ່ນອາຍຸ 15 ປີ, ດ່ຽວຍິງ 17 ປີ, ດ່ຽວຊາຍ 17 ປີ, ຄູ່ຊາຍ 17 ປີ ແລະ ແຂ່ງຂັນລາຍການພິເສດ ປະເພດດ່ຽວຊາຍອາຍຸ 19 ປີ.

ການຄັດເລືອກແມ່ນຄັດເລືອກເອົານັກກິລາທີ່ສາມາດຕິດອັນດັບທີ 1, ອັນດັບທີ 2 ແລະ ອັນດັບທີ 3 ມີລາຍຊື່ຕິດທີມຊາດ ຜ່ານການແຂ່ງຂັນ ປະກົດວ່າ: ນັກກິລາຈາກແຂວງຫຼວງບາງສາມາດຕິດທີມຊາດໄດ້ຫຼາຍກວ່າທຸກພາກສ່ວນ ທີ່ສົ່ງເຂົ້າຮ່ວມແຂ່ງຂັນເຖິງ 4 ຄົນ, ໃນນັ້ນ ມາຈາກສະໂມສອນ ເອວຈີບີ ສີຣິວົງ ຫຼື LGB SIRIVONG ຈຳນວນ 3 ຄົນ ແລະ ນັກກິລາຕົວແທນຂອງແຂວງຫຼວງພະບາງ ອີກ 1 ຄົນ.

ສຳລັບປະເພດດ່ຽວເຍົາວະຊົນ 15 ປີຊາຍ ຊະນະເລີດ ທອງປັນຍາ ສຸວັນນີ ຈາກສະໂມສອນ ພິຈີ, ອັນດັບທີ 2 ທ້າວ ພອນຈິດ ແສງຫຼ້າ ຈາກແຂວງອຸດົມໄຊ ແລະ ອັນດັບທີ 3 ທ້າວ ພູນິກອນ ຈາກແຂວງອຸດົມໄຊ ສ່ວນດ່ຽວເຍົາວະຊົນ 17 ປີຊາຍ ຊະນະເລີດ ທ້າວ ຊະນະ ສີຣິສັກ ຈາກສະໂມສອນ LGB SIRIVONG, ອັນດັບທີ 2 ທ້າວ ວາລັດ ມະນິວົງ ຈາກສະໂມສອນ LGB SIRIVONG, ອັນດັບທີ 3 ທ້າວ ອານຸສິດ ມະນິວັນ ຈາກສະໂມສອນ LGB SIRIVONG ດ່ຽວເຍົາວະຊົນ 17 ປີຍິງ ຊະນະເລີດ ນາງ ດາລາວອນ ຄຳຈັນ ຈາກແຂວງໄຊຍະບູລີ, ອັນດັບທີ 2 ນາງ ເມສາທິບ ດ້ວງເງິນ ຈາກແຂວງໄຊຍະບູລີ, ອັນດັບທີ 3 ນາງ ລີ່ລີ່ ສີຊົມຊື່ນ ຈາກສະໂມສອນ ກັບຕັນ-ວິນເນີ ແລະ ຄູ່ເຍົາວະຊົນ 17 ປີຊາຍ ຊະນະເລີດ ທ້າວ ຊະນະ ສີຣິສັກ ຄູ່ກັບ ທ້າວ ອານຸສິດ ມະນິວັນ ຈາກສະໂມສອນ LGB SIRIVONG, ອັນດັບທີ 2 ທ້າວ ຈະເລີນໄຊ ວົງສາລິຄຳ ຄູ່ກັບ ວາລັດ ມະນິວົງ ຈາກແຂວງຫຼວງພະບາງ ແລະ ອັນດັບທີ 3 ທ້າວ ນັດທິວ ພົງສັກ ຄູ່ກັບ ທ້າວ ສຸພະໄຊ ສິມມະວົງ ຈາກສະໂມສອນ ກັບຕັນ-ວິນເນີ.

ຂະນະທີ່ ລາຍການພິເສດ ຮຸ່ນອາຍຸ 19 ປີ ແຊ໋ມເປັນຂອງ ທ້າວ ມານະສິນ ຂິດຕະສີ ຈາກສະໂມສອນ LGB SIRIVONG, ອັນດັບທີ 2 ທ້າວ ໂຊກໄຊ ສີຫານາດ ຈາກສະໂມສອນ ແລັບດອກ ແລະ ອັນດັບທີ 3 ທ້າວ ອາທິວັດ ອຸດົມສະຫວັດ ຈາກສະມໂສອນກັບຕັນ-ວິນເນີ.

ແຫຼ່ງຂ່າວ: ໜັງສືພິມສຶກສາ-ກິລາ

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...