Homeຂ່າວຕ່າງປະເທດອະດີີດອາຈານໃຈບຸນ ບໍລິຈາກເງິນ 1000 ລ້ານໂດລາ ໃຫ້ນັກສຶກສາໃນມະຫາໄລແຫ່ງໜຶ່ງໃນສະຫະລັດ

ອະດີີດອາຈານໃຈບຸນ ບໍລິຈາກເງິນ 1000 ລ້ານໂດລາ ໃຫ້ນັກສຶກສາໃນມະຫາໄລແຫ່ງໜຶ່ງໃນສະຫະລັດ

Published on

ເວັບໄຊ້ຂ່າວຕ່າງປະເທດລາຍງານໃນວັນທີ 28 ກຸມພາ 2024 ກ່ຽວກັບເລື່ອງລາວໄດ້ຮັບຄວາມໜ້າສົນໃຈໃນສະຫະລັດເມື່ອ ນາງ ຣູດ ກອດແມນອາຍຸ 93 ປີຕັດສິນໃຈຖິ້ມມໍລະດົກຫຸ້ນຈາກບໍລິສັດຄອບ​ຄອງ​ຫຼາຍ​ແຫ່ງ​ຊາດ​ຂະ​ຫນາດ​ໃຫຍ່​ຂອງຜົວ ບໍລິຈາກເງິນໃຫ້ວິທະຍາໄລການແພດອາວເບິດ ອາຍສະຕາຍ ເປັນຈຳນວນເງິນກວ່າ 1000 ລ້ານໂດລາ ເພື່ອໃຫ້ທຶນໃນການຮຽນຟຣີຕະຫຼອດການສຶກສາ ແລະ ເປີດເຜີຍວ່່າບໍ່ຢາກໃຫ້ນັກສຶກສາເປັນໜີ້.

ຕາມການລາຍງານຂອງສື້ທ້ອງຖິ່ນລະບຸວ່າ: ເງິນບໍລິຈາກທັງໝົດນີ້ມອບໃຫ້ກັບນັກສຶກສາແພດຊັ້ນປີທີ 4 ຂອງມະຫາວິທະຍາໄລຈະໄດ້ຮັບເງິນຄ່າຮຽນຄືນສຳລັບພາກການສຶກສາໃນລະດູໃບໄມ້ຫຼົ່ນຂອງປີນີ້ ແລະ ເມື່ອຮອດເດືອນ ສິງຫາ ປີ 2024 ສຳລັບນັກຮຽນແພດທັງລຸ້ນປັດຈຸບັນ ແລະ ທີ່ກຳລັງຈະສະມັກເຂົ້າມາຈະໄດ້ຮຽນຟຣີທຸກຄົນ  ແລະ ບໍ່ຕ້ອງຈ່າຍຄ່າຮຽນອີກຕໍ່ໄປ.

ສຳລັບ ນາງ ກອດແມນ ລະບຸວ່າ: ເງິນບໍລິຈາກຂອງນາງຈະຊ່ວຍໃຫ້ນັກສຶກສາແພດທີ່ຈົບໃໝ່ສາມາດເລີ່ມຕົ້ນປະກອບວິຊາອາຊີບໄດ້ໂດຍບໍ່ຕ້ອງມີໜີ້ສິນຈາກຄ່າຮຽນ ຢ່າງໃດກໍຕາມມະຫາເສດຖີຄົນນີ້ເຄີຍມີປະຫວັດໃນການເຮັດວຽກຢູ່ມະຫາໄລແຫ່ງນີ້ ໃນຕຳແໜ່ງຜູ້ອຳນວຍການຝ່າຍຈິດຕະວິທະຍາການສຶກສາ ອີກທັງຍັງເປັນສະມາຊິກຄະນະກຳມະການອຳນວຍການອາຍສະຕາຍມາຢ່າງຍາວນານ ແລະ ດຳລົງຕຳແໜ່ງຄົນປັດຈຸບັນ.

ທັງນີ້ຄ່າຮຽນຂອງມະຫາວິທະຍາໄລການແພດແຫ່ງນີ້ເລີ່ມຕົ້ນ 59,000 ໂດລາຕໍ່ຄົນເຮັດໃຫ້ນັກຮຽນແພດຈຳນວນຫຼາຍ ຕ້ອງກູ້ຢືມເງິນເພື່ອມາຈ່າຍຄ່າຮຽນໂດຍມີການປະເມີນວ່າ ຫຼັງຈາກການຈົບການສຶກສາແລ້ວ ຈະຕ້ອງເປັນໜີ້ທາງການສຶກສາບໍ່ຕ່ຳກວ່າ 200,000 ໂດລາ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...