ເຈົ້າໜ້າທີ່ກໍາລັງກອງຮ້ອຍທະຫານຊາຍແດນ 243 ກອງບັນຊາການທະຫານນະຄອນຫຼວງວຽງຈັນ (ນວ) ໃຫ້ຮູ້ວ່າ: ເມື່ອວັນທີ 14 ມັງກອນ ທີ່ຜ່ານມາເວລາ 22:30 ນາທີ, ໄດ້ອອກກວດກາສາລະເວນໃນຂອບເຂດຮັບຜິດຊອບໄດ້ພົບເຫັນເຮືອ 1 ລໍາ, ພ້ອມຄົນ 3 ຄົນ ພາຍຫຼັງທີ່ເຫັນເຈົ້າໜ້າທີ່ລົງເຄື່ອນໄຫວກວດກາຄົນຮ້າຍຈຶ່ງໄຫວຕົວທັນດ້ວຍການຂັບເຮືອອອກໄປກາງນໍ້າຂອງຂີ່ມຸ່ງໜ້າໄປປະເທດໄທ,ເຮັດໃຫ້ບໍ່ສາມາດຈັບຕົວຄົນຮ້າຍໄດ້ຈຶ່ງພົບເຫັນແຕ່ຂອງກາງຢາເສບຕິດປະເພດຢາໄອ 13 ເປົາ ຢູ່ແຄມນໍ້າຂອງລະຫວ່າງບ້ານນາໄຮ່ ແລະ ບ້ານສີຖານໃຕ້ ເມືອງຫາດຊາຍຟອງ ຈຶ່ງໄດ້ສົມທົບກັບກຸ່ມ 3 ແລະ ອົງການປົກຄອງບ້ານເຮັດບັດບັນທຶກຮ່ວມກັນໂດຍຊ້ອງໜ້າໄວ້ເພື່ອເປັນຫຼັກຖານ, ຈາກນັ້ນວັນທີ 15 ມັງກອນທີ່ຜ່ານມາກອງຮ້ອຍທະຫານຊາຍແດນ 243 ຈຶ່ງໄດ້ມອບສົ່ງໃຫ້ກອງບັນຊາການທະຫານ ນວ ພະແນກການທີ່ກ່ຽວຂ້ອງຈັດພິທີມອບ-ຮັບລະຫວ່າງກອງບັນຊາການທະຫານ ນວ ກັບພະແນກຕຳຫຼວດສະກັດກັ້ນ ແລະ ຕ້ານຢາເສບຕິດກອງບັນຊາການປ້ອງກັນຄວາມສະຫງົບ (ປກສ) ນວ ເພື່ອປະຕິບັດຕາມລະບຽບກົດໝາຍ.
ຂ່າວ: Vientain Mai