ສຳນັກຂ່າວໄທລາຍງານໃນວັນທີ 18 ກຸມພາ 2024 ຜ່ານມາ, ກ່ຽວກັບເລື່ອງທີ່ໄດ້ຮັບຄວາມໜ້າສົນໃຈຢູ່ໃນສື່ສັງຄົມອອນລາຍ ເມື່ອເຈົ້າບ່າວລາຍໜຶ່ງໄດ້ຖິ້ມງານແຕ່ງ ແລ້ວຫອບເອົາເງິນສິນສອດໜີ ເນື່ອງຈາກພາຍໃນງານແຕ່ງມີດ່ານປະຕູເງິນປະຕູຄຳຫຼາຍເກີນໄປຈຶ່ງເປັນສາເຫດທີ່ເຈົ້າບ່າວລົບໜີງານແຕ່ງ.
ຕາມການລາຍງານຂອງນ້ອງເຈົ້າສາວໄດ້ເລົ່າວ່າ: ເອື້ອຍຂອງນາງໄດ້ຈັດພິທີງານແຕ່ງ ແຕ່ສິ່ງທີ່ເປັນບັນຫາກໍຄື: ປະຕູເງິນປະຕູຄຳ ເຊິ່ງມີທັງໝົດ 13 ດ່ານໃນແຕ່ລະດ່ານກໍຈະເປັນໝູ່ເຈົ້າສາວ ແລະ ຍາດພີ່ນ້ອງ ຢ່າງໃດກໍຕາມເມື່ອເຈົ້າບ່າວມາຮອດດ່ານທີ 5 ເຈົ້າບ່າວໄດ້ເວົ້າວ່າ: ຖ້າຊິມາຢືນດັກກັນຂະນາດນີ້ ກູບໍ່ແຕ່ງແລ້ວ ເຊິ່ງບັນຍາກາດໃນຕອນນັ້ນຍັງເປັນຊ່ວງຝົນຕົກຄົນກໍເຂົ້າມາຢືນຫຼົບຝົນຢູ່ໃນເຕັ້ນແອັອດກັນຫຼາຍ ແລະ ຄາດວ່າຈະເປັນອີກໜຶ່ງສາເຫດທີ່ເຮັດໃຫ້ເຈົ້າບ່າວໃຈຮ້າຍ ຈາກນັ້ນກໍເລີຍຈັບເອົາກ່ອງເງິນສິນສອດ ແລະ ຖົງໃສ່ເງິນແລ້ວຫຼົບໜີ.
ສຳລັບຄວາມຄິດເຫັນຂອງຊາວເນັດບາງສ່ວນກໍເບິ່ງວ່າປະຕູເງິນປະຕູຄຳຫຼາຍເກີນໄປ, ບາງສ່ວນກໍເຫັນໃຈເຈົ້າສາວໂດຍເຫັນວ່າ ປະຕູເງິນປະຕູຄຳ 13 ດ່ານນັ້ນ ຖືເປັນເລື່ອງປົກກະຕິ ບາງທີອາດເປັນຍ້ອນເຈົ້າບ່າວບໍ່ຢາກແຕ່ງ ແຕ່ຫາທາງປະຕິເສດບໍ່ໄດ້ຈຶ່ງຕ້ອງເອົາເລື່ອງປະຕູເງິນປະຕູຄຳມາເປັນປະເດັນ.