ໃນວັນທີ 15 ກຸມພາ 2024 ເວັບໄຊ້ຂ່າວຕ່າງປະເທດລາຍງານເຫດການສະເທືອນຂວັນ ໃນສະຫະລັດອາເມຣິກາ ເມື່ອມີແມ່ຄົນໜຶ່ງໃຈໂຫດຈັບລູກນ້ອຍ ທີ່ມີອາຍຸ ເດືອນປາຍຍັດເຂົ້າເຕົາອົບ (ໄມໂຄເວັບ) ໂດຍອ້າງວ່າ: ໃຊ້ນອນແທນເປ ຈົນເປັນເຫດໃຫ້ເດັກນ້ອຍເສຍຊີວິດ.
ຕາມການລາຍງານເບື້ອງຕົ້ນລະບຸວ່າ: ເຈົ້າໜ້າທີ່ຕຳຫຼວດໄດ້ເຂົ້າກວດສອບບ້ານຫຼັງດັ່ງກ່າວທີ່ອາໃສຢູ່ໃນເມືອງແຄນຊັດ ກ່ອນພົບເດັກນ້ອຍອາຍຸ ເດືອນປາຍ ຕາມຮ່າງກາຍມີຮອຍເຜົາໄໝ້ຮຸນແຮງ ອີກທັງຍັງບໍ່ຕອບສະໜອງ ຕໍ່ມາເຈົ້າໜ້າທີ່ໄດ້ຢືນຢັນວ່າເດັກນ້ອຍຄົນນີ້ເສຍຊີວິດແລ້ວ.
ທາງເຈົ້າໜ້າທີ່ໄດ້ລະບຸເພີ່ມເຕີມວ່າ: ສະພາບທີ່ພົບເສື້ອຜ້າເດັກນ້ອຍກາຍເປັນສີດຳ ແລະ ໄໝ້ຢູ່ໃນຜ້າອ້ອມ ນອກຈາກນີ້ຍັງພົບຜູ້ຫົ່ມທີ່ຖືກໄຟໄໜ້ຢູ່ຈຸດເກີດເຫດອີກດ້ວຍ.
ທາງດ້ານຄຳໃຫ້ການຂອງພະຍານໄດ້ເລົ່າວ່າ: ຜູ້ເປັນແມ່ຈະພາລູກໄປນອນ ແຕ່ແທນທີ່ຈະນຳເຂົ້າໄປນອນຢູ່ເປ ແຕ່ກັບພາໄປນອນທີ່ເຕົາອົບແທນ ເຊິ່ງເຫດການດັ່ງກ່າວຍັງບໍ່ຊາບເຖິງແຮງຈູງໃຈ ລວມເຖິງສະຖານະການອື່ນໆ ທີ່ກ່ຽວຂ້ອງກັບເຫດການດັ່ງກ່າວທີ່ຍັງບໍ່ທັນໄດ້ເປີດເຜີຍ.