ສຳນັກຂ່າວຕ່າງປະເທດລາຍງານໃນວັນທີ 9 ກຸພາ 2024 ນີ້ວ່າ: IFAB ຄະນະກຳມະການສະມາຄົມບານເຕະລະຫວ່າງປະເທດ ກຽມອະນຸມັດໃຫ້ມີການທົດລອງໃຊ້ ບັດຟ້າ (Blue Card) ໃນການແຂ່ງຂັນຢ່າງເປັນທາງການຕັ້ງແຕລະດູການໜ້າເປັນຕົ້ນໄປ.

ສຳລັບບັດຟ້າ ຈະຖືກນຳມາໃຊ້ໃນກໍລະນີດຽວກັບກົດ “sin-bins” ຂອງກິລາຣັກບີ້ໂດຍຈະແຈກໃຫ້ກັບນັກກິລາທີ່ຫົວຮ້ອນໂວຍວາຍ ເພື່ອໃຫ້ອອໄປສະຫງົບສະຕິອາລົມໃນໂຊນທີ່ກຳນົດເປັນເວລາ 10 ນາທີຈາກນັ້ນຄ່ອຍກັບມາລົງສະໜາມການແຂ່ງຂັນອີກ.

ຈຸດປະສົງທີ່ IFAB ເພີ່ມບັດຟ້າເຂົ້າມາ ເພື່ອໃຊ້ລົງໂທດກັບນັກກິລາທີ່ສະແດງອາການໂວຍວາຍຕໍ່ຜູ້ຕັດສິນ ແລະ ສາມາດໃຊ້ professional foul ໂດຍສະເພາະການຢຸດເກມບຸກຂອງຄູ່ຕໍ່ສູ້ໃນຈັງຫວະທີ່ກຳລັງຈະຍິງປະຕູ ເຊິ່ງຈະໃຊ້ກັບລີກລະດັບນ້ອຍໄປກ່ອນ ເຊິ່ງຍັງບໍ່ທັນໄດ້ນຳໃຊ້ໃນລີກໃຫຍ່ຂອງ ເອີຮົບ ທັນທີ.

ນັບຕັ້ງແຕ່ໃບເຫຼືອງ ແລະ ໃບແດງໄດ້ກຳນົດຂຶ້ນໃນປີ 1970 ຈາກນັ້ນກໍໄດ້ມີຄວາມະຍາຍາມເພີ່ມການໃຊ້ໂທດອີກເຊັ່ນການກຳນົດ ໃບຂຽວ ແລະ ໃບຂາວ ເຂົ້າມາແຕ່ກໍຍັງບໍ່ໄດ້ຮັບການຍອມຮັບຈາກການແຂ່ງຂັນ ຈົນມາຮອດໃບຟ້າ ທີ່ມີໂອກາດຖືກນຳມາໃຊ້ຈິງຫຼາຍທີ່ສຸດ.