ເວລາປະມານ 03.30 ນາທີ ຂອງວັນທີ 7 ກຸມພາ 2024, ໜ່ວຍກູ້ໄພນະຄອນພະນົມ ໄດ້ຮັບແຈ້ງເຫດອຸບັດຕິເຫດລົດຕູ້ໂດຍສານຕຳທ້າຍລົດບັນທຸກສິບລໍ້, ທີ່ເຂດຈັງຫວັດ ສະເຊິງເຊົາ,ປະເທດໄທ.
ເຈົ້າໜ້າກູ້ໄພໄດ້ກວດສອບເບື້ອງຕົ້ນພົບຜູ້ໄດ້ຮັບບາດເຈັບ 16 ຄົນ, ໄດ້ຮັບບາດເຈັບສາຫັດ 4 ຄົນ ແລະ ເສຍຊີວິດ 1 ຄົນ, ເຊີ່ງເຈົ້າໜ້າທີ່ໄດ້ໃຫ້ການຊ່ວຍເຫຼືອ ແລະ ນຳຕົວສົ່ງໂຮງໝໍໃກ້ຄຽງໂດຍດ່ວນ.
ຈາກການສອບຖາມ ຊາຍຄົນຂັບລົດຕູ້ຄັນດັ່ງກ່າວ ໄດ້ໃຫ້ຮູ້ວ່າ: ຂະນະທີ່ກຳລັງພາແຮງງານສັນຊາດລາວໄປຕໍ່ບັດທີ່ຈັງຫວັດສະແກ້ວ, ມາຮອດຈຸດເກີດເຫດເຫັນລົດບັນທຸກສິບລໍ້ຂັບຂີ່ລ້ຽວໄປມາ, ບໍລິເວນທ້າຍລົດບໍ່ມີໄຟສັນຍານ ແລະ ຫັກລ້ຽວປ່ຽນເລນມາທາງທີ່ລົດຕູ້ຂອງຕົນເອງພວມແລ່ນມາຈຶ່ງເຮັດໃຫ້ຕໍາເອົາທ້າຍລົດຢ່າງແຮງ.ຕໍ່ກັບເຫດການທີ່ເກີດຂຶ້ນ, ທາງເຈົ້າໜ້າ ແລະ ພາກສ່ວນທີ່ກ່ຽວຂ້ອງກຳລັງທຳການສືບສວນ ແລະ ຈະມີການລາຍງານໃຫ້ຊາບພາຍຫຼັງ.
ຂ່າວ: workpointnews