ເຈົ້າໜ້າທີ່ກອງແກ້ໄຂຄະດີອຸປະຕິເຫດນະຄອນຫຼວງວຽງຈັນໃຫ້ຮູ້ວ່າ: ໃນເວລາ ປະມານ 1:30 ຂອງວັນທີ 8 ທັນວາ
2014 ນີ້ໄດ້ເກີດອຸປະຕິເຫດລົດຈິບຕຳລົດຈັກ ເຮັດໃຫ້ຜູ້ຂັບຂີ່ລົດຈັກ ແລະ ຜູ້ຊ້ອນທ້າຍເສຍຊີວິດ, ເຫດການດັ່ງກ່າວ
ເກີດຂື້ນຢູ່ຖະໜົນ ເຕ 4 ບ້ານໂພນປາເປົ້າ ເມືອງສີສັດຕະນາກ ນະຄອນຫຼວງວຽງຈັນ, ຕາມການສັນນະສູດວັດແທກ
ສະຖານທີ່ເກີດເຫດໃນເບື້ອງຕົນພົບວ່າ ອຸປະຕິເຫດຄັ້ງນີ້ເກີດຈາກລົດໃຫຍ່ຂັບຂີ່ດ້ວຍຄວາມໄວ ເສຍຫຼັກມາຕຳເອົາ
ລົດຈັກຄັນດັ່ງກ່າວ, ດັ່ງນັ້ນ ຈຶ່ງຮຽກຮ້ອງມາຍັງຜູ້ຂັບຂີ່ທຸກໆຄົນ ຈົ່ງຂັບຂີ່ດ້ວຍຄວາມມີສະຕິບໍ່ປະໝາດ ແລະ ເອົາໃຈ
ໃສ່ເຄົາລົບນັບຖືລະບຽບຈໍລະຈອນ ເພື່ອເຮັດແນວໃດບໍ່ໃຫ້ມີອຸປະຕິເຫດຕາມທ້ອງຖະໜົນເກີດຂຶ້ນ, ຫຼີກເວັ້ນການ
ສູນເສຍທາງຊີວິດກໍຄືຊັບສິນ.
ແຫລ່ງຂ່າວ: ລາວພັດທະນາ