spot_img
Homeຂ່າວພາຍ​ໃນເປີດນໍາໃຊ້ສະຖານີວິທະຍຸ-ໂທລະພາບໄຊສົມບູນ

ເປີດນໍາໃຊ້ສະຖານີວິທະຍຸ-ໂທລະພາບໄຊສົມບູນ

Published on

ພິທີມອບ-ຮັບ ແລະ ເປີດນໍາໃຊ້ສະຖານີວິທະຍຸ-ໂທລະພາບແຂວງໄຊສົມບູນຢ່າງເປັນທາງການເມື່ອບໍ່ດົນມານີ້, ໂດຍມີທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງ ຖວທ, ທ່ານ ພອຍຄຳ ຮຸ່ງບຸນຍວງ ເຈົ້າແຂວງໄຊສົມບູນ ແລະ ທ່ານ ວຽງສະຫວັນ ວິໄລພອນ ຮອງປະທານຄະນະກຳມະການຮ່ວມມືລາວ-ຫວຽດນາມ, ທ່ານ ເຈີ້ ມີຮຸ່ງ ຮອງຜູ້ອຳນວຍການໃຫຍ່ສະຖານີວິທະຍຸກະຈາຍສຽງແຫ່ງຊາດ ສສ ຫວຽດນາມ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.ທ່ານ ທົງສະຫວັນ ໂພສະລາດ ຫົວໜ້າພະແນກ ຖວທ ແຂວງໄຊສົມບູນ ກ່າວວ່າ: ໂຄງການກໍ່ສ້າງສະຖານີວິທະຍຸ-ໂທລະພາບແຂວງ ຕັ້ງຢູ່ບ້ານພູຫົວຊ້າງ, ເມືອງອະນຸວົງ, ແຂວງໄຊສົມບູນ, ເຊິ່ງເປັນໂຄງການຊ່ວຍເຫຼືອຈາກລັດ ຖະບານ ສສ ຫວຽດນາມ ລວມມູນຄ່າ 118 ຕື້ກວ່າດົງ (ສະກຸນເງິນຫວຽດນາມ). ໃນນັ້ນ, ທຶນຈາກຝ່າຍລັດຖະບານ ສສ ຫວຽດນາມ 115 ຕື້ກວ່າດົງ ແລະ ທຶນສົມທົບຝ່າຍລັດຖະບານລາວ 3 ຕື້ກວ່າດົງ ເລີ່ມລົງມືຈັດຕັ້ງປະຕິບັດນັບແຕ່ປີ 2020 ເປັນຕົ້ນມາ.ໂຄງການດັ່ງກ່າວປະກອບມີ: ອາຄານຫໍພັກພະນັກງານ 4 ຫ້ອງ, ອາຄານຫ້ອງສົ່ງ ແລະ ອາຄານສຳນັກງານເປັນອາຄານ 2 ຊັ້ນ, ມີປ້ອມຍາມ, ຈັກໄຟຟ້າສຳຮອງ, ອ່າງເກັບ ແລະ ເຈາະນໍ້າບາດານ, ກຳແພງເບຕົງເສີມເຫຼັກອ້ອມສະຖານີ, ເສົາອັງແຕນສູງ 75 ແມັດ, ຕິດຕັ້ງອຸປະກອນຮັບ-ສົ່ງສັນຍານ ແລະ ດຶງສາຍໄຟຟ້າເຊື່ອມເຂົ້າຫ້ອງສົ່ງ, ຕິດຕັ້ງອຸປະກອນເຄື່ອງສົ່ງສັນຍານວິທະຍຸກຳລັງສົ່ງ 10 Kw, ຄື້ນຄວາມຖີ່ FM 104,5 Mhz. ໂອກາດນີ້, ທ່ານ ພອຍຄຳ ຮຸ່ງບຸນຍວງ ໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງພັກ-ລັດຖະບານ ສສ ຫວຽດນາມ ກໍຄືຄະນະພັກ, ຄະນະນຳຂອງສະຖານີວິທະຍຸ-ໂທລະພາບ ສສ ຫວຽດນາມ ທີ່ໄດ້ເປັນຫ່ວງເປັນໃຍ ແລະ ຊ່ວຍເຫຼືອແຂວງໄຊສົມບູນມາໂດຍຕະຫຼອດ, ເຊິ່ງເປັນການປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມຂອງແຂວງ. ພິເສດ, ສະຖານີວິທະຍຸ-ໂທລະພາບແຂວງໄຊສົມບູນແຫ່ງນີ້ ຈະກາຍເປັນສັນຍາລັກແຫ່ງຄວາມສາມັກຄີອັນດູດດື່ມ ແລະ ການພົວພັນຮ່ວມມືລະຫວ່າງສອງພັກ-ສອງລັດ ແລະ ປະຊາຊົນສອງຊາດລາວ-ຫວຽດນາມ, ຫວຽດນາມ-ລາວໃຫ້ໝັ້ນຄົງຂະໜົງແກ່ນຕະຫຼອດໄປ.

ຂ່າວ: ຂປລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...