ເວັບໄຊ້ຂ່າວ NDTV ລາຍງານໃນວັນທີ 18 ມັງກອນ 2024 ນີ້ກ່ຍວກັບເລື່ອງລາວທີ່ຜູ້ຄົນໃຫ້ຄວາມສົນໃຈຢ່າງຫຼວງຫຼາຍໃນອິນເດຍ ເມື່ອພໍ່ຕູ້ອາຍຸ 80 ປີຖືກລະບຸເສຍຊີວິດ ແລະ ຄອບຄົວພີ່ນ້ອງກຳລັງນຳຮ່າງກັບໄປບ້ານເກີດເພື່ອໄປປະກອບພິທີທາງສາສະໜາ ເຊິ່ງລະຫວ່າງການເດີນທາງ ເກີດລົດຕົກຂຸມເຮັດໃຫ້ພໍ່ຕູ້ກກັບມາຫາຍໃຈອີກຄັ້ງ.
ຕາມການລາຍາງນຂອງສື່ທ້ອງຖິ່ນໄດ້ລະບຸວ່າ: ພໍ່ຕູ້ຄົນດັ່ງກ່າວຊື່ວ່າ: ຄາຊານ ສິງ ບຣາລາ ຊາຍຊາວອິນເດຍອາຍຸ 80 ປີ ຕ້ອງໄດ້ໃຊ້ເຄື່ອງຊ່ວຍຫາຍໃຈຕັ້ງແຕ່ວັນທີ 4 ເດືອນມັງກອນ 2024 ຜ່ານມາ, ພາຍໃນໂຮງໝໍໃນ ລັດຮາເລີຍນາ ກ່ອນທີ່ແພດຈະຕັດສິນໃຈນຳເຄື່ອງຊ່ວຍຫາຍໃຈອອກ ແລະ ແຈ້ງຂ່າວ່າພໍ່ຕູ້ເສຍຊີວິດແລ້ວ.
ຕໍ່ມາທາງຄອບຄົວໄດ້ນຳຮ່າງຂອງພໍ່ຕູ້ກັບໄປບ້ານເກີດຂອງລາວໃນເມືອງ ກອນນານ ເພື່ອໄປປະກອບພິທີທາງສາສະໜາ ແຕ່ໃນຂະນະທີ່ລົດນັ້ນໄດ້ເກີດຕົກຂຸມຢູ່ຫົນທາງ ແຮງສັ່ນສະເທືອນເຮັດໃຫ້ພໍ່ຕູ້ເລີ່ມເນັງຕີງແຂນ ແລະ ມີສັນຍານຊີບ ຈຶງໄດ້ບອກຄົນຂັບໃຫ້ສົ່ງກັບໂຮງໝໍໂດຍດ່ວນ. ກ່ອນທີ່ໝໍຈະແຈ້ງວ່າພໍ່ຕູ້ກັບມາມີຊີວິດ ປານປະຕິຫານ ເຖິງແມ່ນວ່າພໍ່ຕູ້ຈະກັບມາຫາຍໃຈເອງແລ້ວ ແຕ່ອາການຍັງໜ້າເປັນຫ່ວງຫຼາຍເນື່ອງຈາກມີອາການຕິດເຊື້ອຢູ່ບໍລິເວນໜ້າເອິກ.