ປອມຕົວໄປສອບເສັງໃຫ້ແຟນ ໃນປະເທດອິນເດຍ

0
748

ສຳນັກຂ່າວຕ່າງປະເທດລາຍງານໃນວັນທີ 17 ມັງກອນ 2024 ນີ້ວ່າ: ຊາຍຊາວອິນເດຍຖືກຈັບໄດ້ວ່າພະຍາຍາມສອບເສັງໃຫ້ແຟນສາວ ທີ່ມະຫາວິທະຍາໄລແຫ່ງໜຶ່ງ ໃນລັດປັນຈາບ ປະເທດອິນເດຍ ໂດຍການສວມເສື້ອຜູ້ຍິງທາລິບສະຕິກ ແລະ ແຕ່ງໜ້າອີກດ້ວຍ.

ເຈົ້າໜ້າທີ່ຂອງມະຫາວິທະຍາໄລວິທະຍາສາດສຸຂະພາບໄດ້ຈັບກຸມຊາຍໜຸ່ມຊາວອິນເດຍ ເຊິ່ງລາວໄດ້ປອມແປງເອກະສານເພື່ອເຂົ້າສອບເສັງເປັນເຈົ້າໜ້າທີ່ສາທາລະນະສຸກ ທາງດ້ານເຈົ້າໜ້າທີ່ຄາດວ່າ: ລາວມາສອບເສັງແທນແຟນສາວຂອງລາວ.

ຊາຍໜຸ່ມລາຍນີ້ຊື່ວ່າ: ທ້າວ ອັງເກ ສິງ ໄດ້ເຂົ້າມາສອບເສັງໃນ ເມືອງໂຄກາປຸຣະ ເມື່ອວັນທີ 7 ມັງກອນ ທີ່ຜ່ານມາ, ໂດຍແຕ່ງຕົວເປັນຜູ້ຍິງ ໃສ່ປະລັກແຂນສີແດງ ພ້ອມທັງຖືເອກະສານໃນນາມຂອງຜູ້ຍິງ ເຖິງແມ່ນວ່າການປອມຕົວຂອງລາວຈະສາມາດຕົວະພະນັກງານໄດ້ ແຕ່ບໍ່ສາມາດຕົວະ ເຄື່ອງສະແກນໃບໜ້າແບບໄບໂອເມຕິກໄດ້ ເນື່ອງຈາກບໍ່ກົງກັບລາຍລະອຽດຜູ້ສະໜັກຄົນເກົ່າ.

ຈາກການສືບສວນຂອງເຈົ້າໜ້າທີ່ລະບຸວ່າ: ຜູ້ຍິງຄົນດັ່ງກ່າວຊື່ວ່າ: ປາຣັມເຈດ ອາຍຸ 34 ປີ ເຄີຍພະຍາຍາມມາສອບເສັງແບບກດຽວກັນມາກ່ອນແຕ່ບໍ່ຜ່ານ ດັ່ງນັ່ນ ທ້າວ ອັງເກ ອາຍຸ 26 ປີຈຶ່ງອາສາສະໝັກຈຶ່ງສະເໜີທີ່ຈະເຮັດຂໍ້ສອບເສັງໃຫ້ ແລະ ຫວັງວ່າຈະຜ່ານຈົນສຸດທ້າຍຖືກເຈົົ້າໜ້າທີ່ຈັບໄດ້ເສຍກ່ອນ.

ທີ່ມາ: ຂ່າວສດ