ສຳນັກຂ່າວຕ່າງປະເທດລາຍງານໃນວັນທີ 16 ມັງກອນ 2024, ເກີດເຫດການສະຫຼົດເດັກນ້ອຍອາຍຸ 4 ປີ ເສຍຊີວິດ ຫຼັງຈາກຄໍຂອງເຂົາຖືກບາດດ້ວຍສາຍວ່າວທີ່ຄົມ ໃນເຂດມະຫິສາຄອນ ລັດຄຸສະຣາດ ປະເທດອິນເດຍ ເນື່ອງໃນເທດສະການອຸດຕະຍັນທີ່ເປັນປະເພນີກ່ຍວຂ້ອງກັບການຫຼິ້ນວ່າວ.

ເຈົ້າໜ້າທີ່ຕຳຫຼວດໄດ້ເລົ່າເຫດການວ່າ: ເຫດການດັ່ງກ່າວເກີດຂຶ້ນໃນຕອນບ່າຍຂອງວັນທີ 14 ມັງກອນ 2024 ຂະນະມີການຈັດເທສະການວ່າວທ້ອງຖິ່ນອຸດຕະຍັນ ທາຮຸນ ມາຊິ ເດັກຊາຍອາຍຸ 4 ປີ ຈາກເມືອງມະຫິສາຄອນກຳລັງເດີນທາງເພື່ອກັບບ້ານໂດຍການຂີ່ລົດຈັກກັບພໍ່ ເຊິ່ງເດັກນ້ອຍນັ່ງຢູ່ເບາະໜ້າລົດຈັກ.

ທັນໃດນັ້ນຄໍຂອງເດັກນ້ອຍກໍຖືກເຊືອກວ່າວທີ່ຄົມບາດ ຢູ່ບໍລິເວນກາງທາງໃນໝູ່ບ້ານໂບຮາດີ ລັງຈາກຖືກບາດ ເດັກນ້ອຍມີບາດເລິກທີ່ຄໍ ແລະ ໄດ້ເສຍຊີວິດຫຼັງມີເລືອດໄຫຼຈຳນວນຫຼາຍກ່ອນທີ່ຈະໄດ້ຮັບການຮັກສາ, ຢ່າງໃດກໍຕາມເຈົ້າໜ້າທີ່ກູ້ໄພສຸກເສີນໃນພຶ້ນທີ່ໄດ້ກ່າວວ່າ: ມີເຫດການຄ້າຍໆກັນເມື່ອປີທີ່ຜ່ານມາ 2023 ແລະ ມີຜູ້ໄດ້ຮັບເຈັບຈາກສາຍວ່າວເປັນຈຳນວນຫຼາຍ.