spot_img
Homeຂ່າວທ້ອງຖິ່ນເຫດທຳຮ້າຍຮ່າງກາຍກາງງານບຸນກິນຈຽງ

ເຫດທຳຮ້າຍຮ່າງກາຍກາງງານບຸນກິນຈຽງ

Published on

ສະເທືອນໃຈທີ່ສຸດ! ເຫດຊາຍທຳຮ້າຍຮ່າງກາຍຜູ້ຍິງ ຢູ່ທີ່ງານບຸນປະເພນີກິນຈຽງ ໃນແຂວງຊຽງຂວາງ.

ກາຍເປັນສຽງວິພາກວິຈານຢ່າງໜັກໃນສັງຄົມ, ເມື່ອມີຜູ້ໃຊ້ເຟສບຸກຫຼາຍຄົນໄດ້ບັນທຶກວີດີໂອເຫດຜູ້ຊາຍທຳຮ້າຍຜູ້ຍິງຢ່າງຮຸນແຮງ ໃຈກາງງານບຸນປະເພນິກິນຈຽງ (ນໍເປເຈົ່າ) ທີ່ແຂວງຊຽງຂວາງ ໃນມື້ນີ້ ວັນທີ 14/01/2024. ເຊິ່ງໃນຄຣິບເຫັນວ່າ: ຜູ້ຊາຍໄດ້ທຳຮ້າຍຮ່າງກາຍຜູ້ຍິງ ໂດຍການໃຊ້ກຳປັ້ນທຸບ, ມືຟາດໃສ່ບໍລິເວນໜ້າຂອງຜູ້ຍິງ ທັງເອົາເສື້ອຝາດໃສ່ຕົນໂຕຢ່າງແຮງ ໂດຍທີ່ບໍ່ຢ້ານ ແລະ ບໍ່ສົນໃຈຄົນທີ່ຢູ່ເຂດນັ້ນ ການທຳຮ້າຍແມ່ນຫຼາຍຄັ້ງຕໍ່ເນື່ອງເປັນເວລາຫຼາຍນາທີ່.

ຈົນໃນທີ່ສຸດ, ທາງເຈົ້າໜ້າທີ່ ແລະ ປະຊາຊົນຢູ່ບໍລິເວນດັ່ງກ່າວເຂົ້າໄປຊ່ວຍເຫຼືອຜູ້ຍິງ ແລະ ກັກໂຕຊາຍດັ່ງກ່າວໄວ້.

ຈາກຂໍ້ມູນເບື້ອງຕົ້ນຜູ້ແບ່ງປັນໄດ້ລະບຸໃນວີດີໂອວ່າ: ຜູ້ລົງມືແມ່ນຜູ້ເປັນຜົວ, ເນື່ອງຈາກຜູ້ເປັນເມຍໄປຫຼີ້ນບຸນ ເມື່ອຜົວຮູ້ເລີຍນຳມາ ແລະ ທຳຮ້າຍຮ່າງກາຍເມຍ.

ຕອນນີ້, ຜູ້ຖືກທຳຮ້າຍແມ່ນໄດ້ຮັບການຊ່ວຍເຫຼືອ ແລະ ກວດເບິ່ງອາການ ພ້ອມຮັກສາໂຕທີ່ໂຮງໝໍເປັນທີ່ຮຽບຮ້ອຍ.

ຢ່າງໃດກໍຕາມ, ການທຳຮ້າຍຮ່າງກາຍຖືເປັນສິ່ງທີ່ຜິດ ບໍ່ວ່າຈະຢູ່ໃນສະຖານະການໃດກໍຕາມ ໂດຍສະເພາະການທຳຮ້າຍຮ່າງກາຍກັບຜູ້ທີ່ບໍ່ມີທາງສູ້. ຂໍໃຫ້ເຈົ້າໜ້າທີ່ ແລະ ພາກສ່ວນກ່ຽວຂ້ອງດຳເນີນຄະດີ ແລະ ລົງໂທດຕາມລະບຽບກົດໝາຍ ເພື່ອຊ່ວຍເຫຼືອຜູ້ຖືກກະທຳດ້ວຍ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...