ສຳນັກຂ່າວ BBC ລາຍງານໃນວັນທີ 9 ມັງກອນ 2024 ໄດ້ເກີດເຫດລະທຶກຂວັນຂຶ້ນ ເມື່ອກຸ່ມມືປືນສວນໜ້າກາກບຸກຫ້ອງສະແດງຊອງສະຖານີໂທລະພາບ TC Television ໃນເມືອງກົວຍາກິວ ປະເທດເອກວາດໍ ຂະນະມີການຖ່າຍທອດສົດລາຍການຂ່າວ.
ຊາຍກຸ່ມດັ່ງກ່າວໄດ້ໃຊ້ອາວຸດປືນສັ້ນ ແລະ ອ້າງວ່າມີວັດຖຸລະເບີດ ຂົ່ມຂູ່ໃຫ້ພະນັກງານໃຫ້ນັ່ງ ຫຼື ມອບລົງກັບພື້ນ ແລະ ຍັງໄດ້ຍິນສຽງຄ້າຍປືນດັງຂຶ້ນແຕ່ຍັງບໍ່ຊັດເຈນວ່າມີເຈົ້າໜ້າທີ່ໄດ້ຮັບບາດເຈັບຫຼືບໍ່ ປະມານ 15 ນາທີ ກ່ອນທີ່ພາບຖ່າຍທອດສົດຈະຖືກຕັດອອກ.
ທາງດ້ານ ນາງ ອະລີນາ ມັນຣິເກ ຫົວໜ້າຝ່າຍຂອງຂອງສະຖານີໂທລະພາບ TC ໄດ້ລາຍງານວ່າ: ເກີດເຫດຢູ່ໃນຫ້ອງຄວບຄຸມກົງກັນຂ້າມກັບຫ້ອງສະຕູດີໂອ, ເຊິ່ງໃນເວລາຕໍ່ມາຄົນຮ້າຍບາງຄົນໄດ້ແລ່ນອກຈາກສະຕູດີໂອ ແລະ ລີ້ຢູ່ບໍລິເວນອາຄານອື່ນ ເມື່ອໄດ້ຍິນວ່າພວກເຂົາກຳລັງຖືກຕຳຫຼວດປິດລ້ອມອາຄານດັ່ງກ່າວ.
ຢ່າງໃດກໍຕາມ ຜູ້ບັນຊາການຕຳຫຼວດແຫ່ງຊາດເອກວາດໍໄດ້ປະກາດໃນເວລາຕໍ່ມາວ່າ: ເຈົ້າໜ້າທີ່ສາມາດຈັບກຸມຜູ້ກໍ່ເຫດໄດ້ທັງໝົດ 13 ຄົນ ໄວ້ໄດ້ ພ້ອມກັບຍຶດອາວຸດປືນ ແລະ ວັດຖຸລະເບີດ, ທັງນີ້ປະເທດເອກວາດ ກຳລັງຢູ່ໃນສະຖານາກະສຸກເສີນ ຫຼັງຈາກຈາກ ອາດໍໂຟ ຟິໂຕ ມາຊິອັສ ຫົວໜ້າແກ້ງກໍ່ການຮ້າຍ ໄດ້ຫຼົບໜີອອກຈາກຄຸກ ເຊິ່ງບັງຄັບໃຊ້ 60 ມື້, ນອກຈາກນີ້ນັບຕັ້ງແຕ່ມີການປະກາດສະຖານະການສຸກເສີນ ຕຳຫຼວດ 7 ຄົນໃນ 3 ເມືອງໄດ້ຖືກລັກພາຕົວ ເຈົ້າໜ້າທີ່ຄາດວ່າອາດເຫດການຫຼ້າສຸດ ມີຄວາມກ່ຽວຂ້ອງກັບການໜີອອກຈາກຄຸກ ຂອງຫົວໜ້າແກ້ງອີກດ້ວຍ.