ອີງຕາມສຳນັກຂ່າວ AFP ລາຍງານໃນວັນທີ 9 ມັງກອນ 2024 ນີ້ເກີດເຫດແຜ່ນດິນໄຫວຂະນາດ 6.7 ຣິກເຕີ  ເຊິ່ງນັກສຳຫຼວດທໍລະນີວິທະຍາ ສະຫະລັດອາເມຣິກາ ໄດ້ລະບຸວ່າ: ເຫດແຜ່ນດິນໄຫວໃນຄັ້ງນີ້ເກີດຂຶ້ນທີ່ຊາຍຝັງຕອນໃຕ້ ຂອງປະເທດຟິລິປິນ ປະມານ 100 ກິໂລແມັດທາງຕາເວັນອອກສຽງເໜືອຂອງ ແຂວງ ຊາຣັງການີ ເຖິງເກາະມິນດາເນົາ ແລະ ເລິກລົງໄປປະມານ 70 ກິໂລແມັດ.

ໃນຂະນະທີ່ລະບົບເຕືອນໄພສຶນາມິສະຫະລັດ ແລະ ໜ່ວຍງານດ້ານແຜ່ນດິນໄຫວຂອງຟິລິປິນລະບຸວ່າ: ແຮສັ່ນສະເທືອນດັ່ງກ່າວບໍ່ກໍ່ໃຫ້ເກີດສຶນາມິ ລວມເຖິງຍັງບໍ່ມີລາຍາງນຜູ້ເສຍຊີວິດ ຫຼື ຄວາມເສຍຫາຍຮຸນແຮງ.

ກ່ອນໜ້ານີ້ ຟິລິປິນກໍ່ເຄີຍເກີດແຜ່ນດິນໄຫວຂະນາດ 7.6 ຮິກເຕີ ຢູ່ເທິງຊາຍຝັ່ງເກາະມິນດາເນົາ ເມື່ອເດືອນທັນວາ 2023 ທີ່ຜ່ານມາ, ເຮັດໃຫ້ມີຜູ້ເສຍຊີວິດຢ່າງນ້ອຍ 3 ຄົນ ແລະ ບາດເຈັບຈຳນວນໜຶ່ງ ແລະ ບ້ານເຮືອນໄດ້ຮັບຄວາມເສຍຫາຍເລັກນ້ອຍ.