ສຳນັກຂ່າວຕ່າງປະເທດລາຍງານໃນວັນທີ 7 ມັງກອນ 2024, ເກີດເຫດການທີ່ບໍ່ຄາດຄິດຂຶ້ນ ເມື່ອເຮືອບິນໂດຍສານຂອງສາຍການບິນ ອາລາສກາ ແອລາຍ ເກີດປ້ອງຢ້ຽມລະເບີດກາງອາກາດຈາກພຶ້ນດິນ 5 ກິໂລແມັດ ຈຶ່ງເຮັດໃຫ້ຜູ້ໂດຍສານລວມເຖິງນັກບິນ 117 ຄົນຢ້ານ ແລະ ເຮືອບິນຕ້ອງລົງຈອດສຸກເສີນທີ່ສະໜາມບິນເດີມ.

ຕາມການລາຍງານ ສາຍການບິນຫາກໍເລີ່ມໃຊ້ເຮືອບິນລຳດັ່ງກ່າວໄດ້ 8 ອາທິດເທົ່ານັ້ນ, ເຊິ່ງຖ້ຽວບິນ 1282 ກຳລັງມຸ້ງໜ້າຈາກພອດແລນ ຈາກລັດອໍລິກອນ ໄປ ອອນແທລີໂອ ໃນລັດແຄລິຟໍເນຍ ເຊິ່ງເຫດການດັ່ງກ່າວເກີດຂຶ້ນຫຼັງເຮືອບິນຂຶ້ນຈາກໜ້າດິນປະມານ 40 ນາທີ.

ທາງດ້ານສຳນັກງານບໍລິຫານການບິນກາງສະຫະລັດ (FAA) ມີຄຳສັ່ງໃຫ້ພັກການໃຊ້ງານເຮືອບິນ ຂອງບໍລິສັດ ໂບອິ້ງ 737 MAX 9 ຈຳນວນໜຶ່ງໃນສະຫະລັດທັນທີ ເພື່ອເລັ່ງກວດສອບຄວາມປອດໄພຂອງເຮືອບິນລຸ້ນນີ້, ສ່ວນທາງ ສາຍການບິນ ອາລາສກາ ແອລາຍ ປະກາດລະງັບການບິນລຸ້ນ 737 MAX 9 ທັງໝົດ 65 ລຳຂອງສາຍການບິນຊົ່ວຄາວເພື່ອກວດສອບຄວາມປອດໄພຢ່າງເຕັມຮູບແບບ ຄາດວ່າຈະສົ່ງຜົນກະທົບເຖິງເຮືອບິນລຸ້ນນີ້ປະມານ 171 ລຳທົ່ວໂລກ.