ສຳນັກຂ່າວ AP ລາຍງານໃນວັນທີ 5 ມັງກອນ 2024 ເວລາປະມານ 6:30 ໂມງເຊົ້າ, ເກີດເຫດລົດໄຟ 2 ຂະບວນຕຳກັນ ປະມານ 500 ແມັດ ຫ່າງຈາກສະຖານີລົດໄຟໃນເມືອງ ຊິຄາເລງກາ ແຂວງຊວາ ປະເທດອິນໂດເນເຊຍ ເຮັດໃຫ້ມີຜູ້ເສຍຊີວິດຢ່າງນ້ອຍ 3 ຄົນ ແລະ ໄດ້ຮັບບາດເຈັບ 28 ຄົນ.
ທາງດ້ານເຈົ້າໜ້າທີ່ໂຄສົກ ບໍລິສັດລົດໄຟແຫ່ງຊາດ ອິນໂດເນເຊຍ ລາຍງານວ່າ: ຂະບວນໜຶ່ງເປັນລົດໄຟດ່ວນເດີນທາງມາຈາກເມືອງ ຊູຣາບາຍາ ມາຫາເມືອງ ບັນດຸງ ກ່ອນຈະເຂົ້າຕຳກັບລົດໄຟໂດຍສານອີກຂະບວນທີ່ກຳລັງເດີນທາງມາຈາກສະຖານີ ຊິຄາເລງກາ ໄປເມືອງ ປາດາຣາລັງ ເຊິ່ງແຮງຈາກການຕຳກັນຂອງລົດໄຟທັງ 2 ຂະບວນ ເຮັດໃຫ້ຕູ້ລົດໄຟຫຼາຍຕູ້ຕົກລາງ
ເບື້ອງຕົ້ນເຈົ້າໜ້າທີ່ໄດ້ຊ່ວຍເຫຼືອຜູ້ໂດຍສານທັງ 2 ຂະບວນຈຳນວນ 160 ຄົນໄດ້ຢ່າງປອດໄພແລ້ວ ແລະ ເຈົ້າໜ້າທີ່ຍັງເລັ່ງສືບສວນຫາສາເຫດຂອງການຕຳກັນຂອງ 2 ຂະບວນລົດໄຟອີກດ້ວຍ.