ສຳນັກຂ່າວຕ່າງປະເທດລາຍງານໃນວັນທີ 4 ມັງກອນ 2023 ເກີດເຫດລະເບີດໃນເມືອງເຄີມານ ທາງຕອນໃຕ້ຂອງອີຣ່ານ ຂະນະທີ່ປະຊາຊົນລວມຕົວກັນໄວ້ອາໄລໃຫ້ກັບ ນາຍພົນ ຄາເຊມ ໂຊເລມະນີ ທີ່ເສຍຊີວິດຈາກການລອບສັງຫານໃນກຸງແບກແດດ ປະເທດອີຣັກ ເມື່ອວັນທີ 3 ມັງກອນ 2020 ຜ່ານມາ, ເຊິ່ງເປັນບ້ານເກີດຂອງ ນາຍພົນ ຄາເຊມ ໂຊເລມະນີ.
ຕາມການລາຍງານລະບຸວ່າ: ເຫດລະເບີດເກີດຂຶ້ນ 2 ຄັ້ງຊ້ອນ ຫ່າງກັນ 15 ນາທີ ໂດຍຈຸດເກີດເຫດຢູ່ຫ່າງຈາກສຸສານທີ່ຝັ່ງຮ່າງຂອງ ນາຍພົນ ໂຊເລມະນີ ປະມານໜຶ່ງກິໂລແມັດ ແຕ່ຍັງບໍ່ມີກຸ່ມໃດອ້າງວ່າຢູ່ເບື້ອງຫຼັງການກໍ່ເຫດໃນຄັ້ງນີ້.
ທາງດ້ານ ທ່ານ ອິບບຣາຮີມ ຣາອີຊີ ປະທານາທິບໍດີຂອງອີຣ່ານ ເຊື່ອວ່າ ອິດສະລະແອນຢູ່ເບື້ອງຫຼັງເຫດການໃນຄັ້ງນີ້ ໂດຍປະກາດວ່າ: ອິດສະລະແອນຈະຕ້ອງຊົດໃຊ້ຕໍ່ເຫດການທີ່ເກີດຂຶ້ນ ເຊິ່ງເຫດການໃນຄັ້ງນີ້ມີຜູ້ເສຍຊີວິດທັງໝົດ 103 ຄົນ.
ທີ່ມາ: ໄທພີບີເອັສ