ອີງຕາມສຳນັກຂ່າວສົດ ປະເທດໄທ ລາຍງານໃນວັນທີ 2 ມັງກອນ 2023 ຜ່ານມານີ້ວ່າ ລາຍການຕະລົກດັງຂອງໄທ ຄະດີເດັດ ໄດ້ປະກາດການຢຸດອອກອາກາດແລ້ວ, ເຊິ່ງລາຍການຄະດີເດັດອອກອາກາດເປັນຕອນສຸດທ້າຍໃນວັນທີ 30 ທັນວາ 2023 ທີ່ຜ່ານມານັບວ່າເປັນອີກລາຍການໜຶ່ງທີ່ໄດ້ຮັບຄວາມນິຍົມທີ່ດົນນານກວ່າ 23 ປີ ກັບອີກ 112 ມື້.

ສຳລັບລາຍການດັ່ງກ່າວອອກອາກາດຄັ້ງທຳອິດເມື່ອວັນເສົາທີ່ 9 ກັນຍາ ປີ 2000 ທາງຊ່ອງ 7 HD ຜະລິດລຍາການໂດຍ ບໍລິສັດກັນຕະນາກຸບ ຈຳກັດ (ມະຫາຊົນ) ຮ່ວມກັບບໍລິສັດ ອິເມຈິເນຊັ່ນ ຣິມ ຈຳກັດ ເຊິ່ງອອກອາກາດທຸກໆວັນເສົາ ເວລາ 13:00-14:00 ໂມງ ໂດຍພິທີກອນດຳເນີນລາຍການຄື: ທ່ານ ພິສິດ ກີລະຕິການກຸນ (ວ່ອງ) ແລະຜູ້ພາກສຽງຄື: ທ່ານ ພຶກສະພົນ ໂພພິທັກທານົນ.

ໂດຍປະໂຫຍກທີ່ເປັນເອກະລັກຂອງລາຍການທີ່ເຮັດໃຫ້ແຟນໆ ຫຼື ຜູ້ຕິດຕາມຈື່ໄດ້ດີກໍຄືຄຳວ່າ: ເລື່ອງນີ້ເປັນເລື່ອງຈິງ ບໍ່ໄດ້ຖ່າຍທຳ ຄົນທີ່ເຫັນໃນພາບກໍເປັນຄົນຈິງໆ ບໍ່ແມ່ນໂຕສະແດງ, ຢ່າງໃດກໍຕາມແຟນລາຍການກໍໄດ້ພາກັນເຂົ້າມາສະແດງຄວາມຄິດເຫັນ ບາງສ່ວນກໍຍາກໃຫ້ລາຍການກັບມາອອກອາກາດຄືເກົ່າ  ບາງສ່ວນກໍຄອມເມັ້ນຄິດຮອດຄວາມຊົງຈຳໃນຕອນຍັງນ້ອຍເຖິງຂັ້ນເຜີຍວ່າ: ໃຫຍ່ມາກັບລາຍການດັ່ງກ່າວນີ້.