spot_img
HomeBaby-ແມ່ແລະເດັກວິທີ​ຫລິກລ້ຽງ​ການ​ປິ່ນປົວ​ດ້ວຍ​ຢາ​ເມື່ອ​ລູກ​ນ້ອຍ​ເຈັບ​ໄຂ້​

ວິທີ​ຫລິກລ້ຽງ​ການ​ປິ່ນປົວ​ດ້ວຍ​ຢາ​ເມື່ອ​ລູກ​ນ້ອຍ​ເຈັບ​ໄຂ້​

Published on

         01_406

      ໃຜ​ໆກໍ​ຮູ້​ວ່າ​ລູກ​ນ້ອຍ​ນັ້ນ​ເປັນ​ດັ່ງ​ແກ້ວ​ຕາ​ດວງ​ໃຈ​ຂອງ​​ພໍ່​​ແມ່ ຫາກ​ພວກເຂົາ​ເຈັບ​ໄຂ້​ໄດ້​ປ່ວຍ​ຂຶ້ນ​ມາ​ຄັ້ງໜຶ່ງ ຄົນ​ເປັນ​ພໍ່​ເປັນ​ແມ່​ກໍ​ຮ້ອນ​ໃຈ​ຢູ່​​ບໍ່​ໄດ້ ໃຜ​ວ່າ​ຢາ​ອັນ​ໃດ​ດີ​ກໍ​ເຊື່ອ​ຕາມ​ໄປຫມົດ​ຈົນ​ບໍ່​ທັນ​ໄດ້​ຄິດວ່າ​ຄວາມ​ຈິງ​ແລ້ວ​ຢາ​ປິ່ນປົວພະຍາດ​ກໍ​ອາດ​ຊ່ວຍ​ໃຫ້​ລູກ​ຂອງ​ເຈົ້າ​ກັບ​ມາ​ອາການ​ປົກກະຕິ​ໄດ້​ໄວ ແຕ່​ຫາກ​ກິນ​ຢາ​ປິ່ນປົວພະຍາດ​ຫລາຍ​ເກີນ​ໄປ ມັນ​ກໍ​ຈະ​ສົ່ງ​ຜົນ​ເສຍ​ຕໍ່​ຮ່າງກາຍ​ເດັກ​ທີ່​ຍັງ​ອ່ອນແອ​ຢູ່​ໄດ້​ຫລາຍກວ່າ​ທີ່​ຄິດ ສະ​ນັ້ນ​ມື້​ນີ້​ເຮົາ​ຈຶ່ງ​ນຳ 4 ວິທີ​ຫລີກ​ລ້ຽງ​ການ​ປິ່ນປົວ​ດ້ວຍ​ຢາ​ຫລາຍ​ເກີນ​ໄປ ເມື່ອ​ຍາມ​ທີ່​ລູກ​ນ້ອຍ​ເຈັບ​ໄຂ້​ໄດ້​ປ່ວຍ​ມາ​ຝາກ​ໃຫ້​​ພໍ່​​ແມ່​ທີ່​ມີ​ລູກ​ນ້ອຍ​ກັນ
ກິນ​ອາຫານ​ທີ່​ມີ​ປະ​ໂຍດ  ເມື່ອລູກ​ນ້ອຍ​​ເກີດ​ເປັນ​ໄຂ້​ຕົວ​ຮ້ອນ​​ຂຶ້ນ​ມາ ກໍເຮັດໃຫ້​ຄົນ​ເປັນ​ພໍ່​ເປັນ​ແມ່​ໃຈ​ບໍ່​ດີ ແຕ່​ຢ່າງໃດ​ກໍ​ຕາມ ລອງ​ໃຫ້​ການ​ປິ່ນປົວ​ດ້ວຍ​ຢາ​ເປັນ​ວິທີ​ສຸດ​ທ້າຍ​ທີ່​ຈະ​ເລືອກ​ໃຊ້​ດີກວ່າ ແລ້ວ​ຫັນ​ມາ​ເຮັດ​ອາຫານ​ທີ່​ມີ​ປະໂຫຍດ​ ແລະ ​ຊ່ວຍ​ໃຫ້​ຮ່າງກາຍ​ແຂງ​ແຮງ​ຂຶ້ນ​ໃນ​ຍາມ​ທີ່​ປ່ວຍ ເຊັ່ນ ຊຸບ​ໄກ່ ​ຫລື​ອາຫານ​ຢ່າງ​ອື່ນ​ທີ່​ມີ​ປະໂຫຍດ​ທີ່​ຈະ​ຊ່ວຍ​ໃຫ້​ລູກ​ຂອງ​ເຈົ້າແຂງ​ແຮງ​ຂຶ້ນ ເພາະ​ການ​ທີ່​ເດັກ​ກິນ​ຢາ​ປິ່ນປົວພະຍາດ​ຫລາຍ​ໄປ​ກໍ​ບໍ່​ດີ​ດອກ
– ຢ່າ​ຫາ​ຂໍ້​ມູນ​ທາງ​ອິນ​ເຕິ​ເນັດ​ຫລາຍເກີນ​ໄປ   ຂໍ້​ມູນທາງ​ອິນ​ເຕີເນັດ​ກ່ຽວກັບ​ການ​ປິ່ນປົວ​ອາການ​ເຈັບ​ປ່ວຍ​ຂອງ​ລູກ​ນ້ອຍ ສາມາດ​ຊ່ວຍ​ເຈົ້າ​ໃຫ້​ພົບ​ເຈີ​ທາງ​ແກ້​ບັນຫາ​ທີ່​ດີ​ ແລະ ​ກໍ​ຍັງ​ເຮັດໃຫ້​ເຈົ້າ​ສັບ​ສົນ​ໄປ​ນຳ​ໃນ​ເວລາດຽວ​ກັນ ສະ​ນັ້ນ​ຫາກ​ເຈີ​ຄຳ​ແນະ​ນຳ​ທີ່​ຫລາກ​ຫລາຍ​ກໍ​ໃຫ້​ລອງ​ຄິດ​ທົບ​ທວນ​ຕັດ​ສິນ​ໃຈ​ດີໆ ບໍ່ແມ່ນ​ວ່າ​ໃຜ​ແນະ​ນຳ​ໃຫ້​ກິນ​ຢາ​ຫຍັງ​ກໍ​ຂົນ​ຊື້​ມາ​ໃຫ້​ລູກ​ຂອງ​ເຈົ້າ​ກິນ​ໄປຫມົດ​ ລອງ​ເລືອກ​ວິທີ​ອື່ນ​ທີ່​ບໍ່ແມ່ນ​ການ​ໃຊ້​ຢາ​ປິ່ນປົວພະຍາດ​ມາ​ໃຊ້​ກັບ​ລູກ​ຂອງ​ເຈົ້າ​ກ່ອນ​ໜ້າ​ຈະດີກວ່າ
– ບອກ​ແພດ​ໃຫ້​ຈັດຢາ​ແຕ່​ພໍດີ ພໍ່​​ແມ່​ອາດຈະ​ຄິດວ່າ ການ​ທີ່​ລູກ​ປ່ວຍ​ແລ້ວ​ພາ​ໄປ​ພົບ​ແພດ​ນັ້ນ​ເປັນ​ຫົນ​ທາງ​ປິ່ນປົວ​ທີ່​ດີ​ທີ່ສຸດ ແຕ່​ຮູ້​ບໍ່​ວ່າ​ບາງ​ທີ​ແພດໝໍ​ກໍ​ປິ່ນປົວ​ອາການ​ປ່ວຍ​ຜິດໆ ດ້ວຍ​ການ​ຈັດຢາ​ໃຫ້​ຫລາຍໆ ເພື່ອ​ຫວັງ​ຈະໃຫ້​ລູກ​ຂອງ​ເຈົ້າ​ເຊົາ​ໄວໆ​ ຊຶ່ງ​ການ​ໄປ​ພົບ​ແພດ​ກໍ​ອາດຈະ​ເປັນ​ວິທີ​ທີ່​ດີ ​ແລະ ​ບໍ່​ດີ​ປົນ​ກັນ​ໄປ ສະ​ນັ້ນ​ເວລາ​​ພໍ່​​ແມ່​ພາ​ລູກ​ໄປ​ພົບ​ແພດ​ແລ້ວ​ກໍ​ຢ່າ​ລືມ​ບອກ​ໃຫ້​ຈັດຢາ​ມາ​ໜ້ອຍ​

– ຮັບ​ສານ​ອາຫານ​ຄົບ​ຖ້ວນ ​ແລະ ​ອອກ​ກຳ​ລັງ​ກາຍ ເຈົ້າຕ້ອງ​ແນ່​ໃຈ​ວ່າ ອາຫານ​ແຕ່​ລະ​ມື້​ສຳລັບ​ລູກ​ນ້ອຍ​ນັ້ນ ມີ​ສານ​ອາຫານ​ຄົບ​ຖ້ວນ​ທັງ ໂປ​ຕີນ, ໄຂ​ມັນ, ຄາລ໌​ໂບ​ໄຮ​ເດນ,​ ວິ​ຕາ​ມິນ ແລະ ​ເກືອ​ແຮ່​ພໍ​ພຽງ​ແລ້ວ ແລະ​ຄວນ​ຈະໃຫ້​ລູກ​ອອກ​ໄປ​ແລ່ນ​ຫລິ້ນ​ຕາມ​ປະ​ສາ​ເດັກນ້ອຍຢູ່​ນອກ​ເຮືອນ​ນຳ ເພື່ອ​ໃຫ້​ໄດ້ຮັບ​ວິ​ຕາ​ມິນ​ຈາກ​ແສງ​ແດດ​ ແລະ ​ໄດ້​ອອກ​ກຳ​ລັງ​ກາຍ​ໄປ​ໃນ​ຕົວ​ນຳ ຫາກ​ເຮັດໃຫ້​ໄດ້​ຕາມ​ນີ້ ລູກ​ຂອງ​ເຈົ້າ​ບໍ່​ຈຳ​ເປັນ​ຕ້ອງ​ກິນ​ວິ​ຕາ​ມິນ​ເສີມ​ໃຫ້​ຫຍຸ້ງຍາກ ແຖມ​ຮ່າງກາຍ​ກໍ​ຍັງ​ແຂງ​ແຮງ​ຫ່າງ​ໄກ​ໂລກໄພ​ໄຂ້​ເຈັບ​

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...