ອີງຕາມສຳນັກຂ່າວຕ່າງປະເທດລາຍງານໃນວັນທີ 26 ທັນວາ 2023 ທີ່ຜ່ານມາ, ເຈົ້າໜ້າທີ່ຕຳຫຼວດຝຣັ່ງຈັບກຸມຊາຍ ອາຍຸ 33 ປີ ຜູ້ຕ້ອງສົງໃສຄະດີຄາຕະກຳເມຍຕົນເອງພ້ອມກັບລູກອີກ 4 ຄົນ ທີ່ມີອາຍຸ 9 ເດືອນເຖິງ 10 ປີ ໂດຍສົບທັງ 5 ຖືກພົບຢູ່ທີ່ຫ້ອງເຊົ່າໃນເມືອງ ໂມ ເຊິ່ງຢູ່ໃກ້ກັບກຸງປາລີດຫ່າງກັນປະມານ 40 ກິໂລແມັດ ເຫດການດັ່ງກ່າວມີຜູ້ເສຍຊິວີດທີ່ອາຍຸນ້ອຍທີ່ສຸດພຽງ 9 ເດືອນເທົ່ານັ້ນ.
ທາງດ້ານເພື່ອນບ້ານເຊິ່ງເປັນຜູ້ພົບສົບໄດ້ເລົ່າວ່າ: ຕົນເອງໄດ້ພະຍາຍາມຕິດຕໍ່ກັບຄອບຄົວນີ້ຫຼາຍຄັ້ງແຕ່ຕິຕໍບໍ່ໄດ້, ຕົນຈຶ່ງບໄດ້ຍ່າງໄປເບິ່ງທີ່ຫ້ອງ ແລ້ວພົບວ່າມີຮອຍຍເລືອດທີ່ລູກບິດປະຕູ ແລະ ຢູ່ບໍລິເວນໜ້າປະຕູ ຕົນຈຶ່ງໄດ້ຟໂທແຈ້ງຕຳຫຼວດ.
ເຈົ້າໜ້າທີ່ຕຳຫຼວດໄດ້ລົງກວດສອບກ້ອງວົງຈອນຈຶ່ງໄດ້ຕາມຈັບກຸມຕົວຊາຍຄົນດັ່ງກ່າວໄດ້ທີ່ບ້ານຂອງພໍ່ເຂົາໃນ ເມືອງ ເຊບຮານ ທີ່ຢູ່ໃກ້ກັນ, ທັງນີ້ຕຳຫຼວດໄດ້ລະບຸວ່າ: ຜູ້ກໍ່ເຫດເປັນທີ່ຮູ້ຈັກຂອງຕຳຫຼວດຢູ່ແລ້ວ ເນື່ອງຈາກເຄີຍມີຄະດີໃຊ້ຄວາມຮຸນແຮງພາຍໃນຄອບຄົວ ເມື່ອປີ 2019 ປະມານ 1ເດືອນກ່ອນທີ່ລູກຄົນທີ່ 3 ຂອງເຂົາຈະເກີດ, ໂດຍເຂົາໃຊ້ມີດ ທຳຮ້າຍເມຍຂອງເຂົາຈົນໄດ້ຮັບບາດເຈັບ ແຕ່ຄະດີຖືກຍົກຟ້ອງເນື່ອງຜູ້ກໍ່ເຫດມີປັນຫາທາງຈິດ.
ທາງເພື່ອນບ້ານຍັງໄດ້ກ່າວຕື່ມອີກວ່າ: ທາງດ້ານເມຍເຄີຍບອກກັບຕົນວ່າ ຜົວຂອງລາວກຳລັງຜະເຊີນພາວະສຶມເສົ້າຫຼັງໄດ້ອອກຈາກວຽກ ແລະ ກຳລັງຮັບການຮັກສາ ຄະນະທີ່ການກວດຄົ້ນຫ້ອງເຊົ່າເຈົ້າໜ້າທີ່ໄດ້ພົບເອກະສານວ່າຊາຍຄົນນີ້ເຄີຍເຂົ້າຮັບການຮັກສາທີ່ໂຮງໝໍຈິດຕະເວດໃນປີ 2017 ແລະ ໄດ້ຈ່າຍຄ່າຢາລະງັບປະສາດ.
ທີ່ມາ: bbc