ອີງຕາມໜັງສືພິມ VientianeTimes ລາຍງານໃຫ້ຮູ້ວ່າ: ລັດຖະບານລາວ ມີແຜນຈະສະເໜີ ເສົາຫີນຕັ້ງ ຊຶ່ງບາງເທື່ອກໍເອີ້ນວ່າ Stonehenge ຂອງລາວ, ຢູ່ແຂວງຫົວພັນ, ແລະ ອຸທະຍານແຫ່ງຊາດນາກາຍນ້ຳເທີນ ແຂວງຄຳມ່ວນ ເປັນມໍລະດົກໂລກ ຊຶ່ງເປີດເຜີຍໂດຍ ກົມມໍລະດົກ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ.
ຫົວໜ້າກົມມໍລະດົກ ທ່ານ ພະຂັນໄຊ ສີຄຳໄຊ ກ່າວຕໍ່ ໜັງສືພິມ ວຽງຈັນທາມສ໌ ວ່າ ສະຖານທີ່ຕັ້ງ ເສົາຫີນບູຮານ ຢູ່ແຂວງຫົວພັນ (ແປວ່າ ເສົາຫີນຕັ້ງ ໃນພາສາລາວ) ຈະຖືກຍື່ນໃຫ້ ຈາລຶກວັດທະນະທຳຈາກອົງການ UNESCO. ພ້ອມກັນນີ້ ອຸທະຍານແຫ່ງຊາດ ນາກາຍນ້ຳເທີນ ກໍ່ຈະຖືກສະເໜີຊື່ເຂົ້າເປັນມໍລະດົກໂລກທາງທຳມະຊາດ ຂອງລາວ ເຊັ່ນດຽວກັນ.
ອຸທະຍານແຫ່ງຊາດ ນາກາຍນ້ຳເທີນ ເປັນສ່ວນໜຶ່ງຂອງຈຸດທີ່ຕັ້ງຂອງຊີວະນາໆພັນອິນໂດ-ມຽນມາ ແລະ ຂະຫຍາຍໄປສູ່ແຂວງຄໍາມ່ວນ ແລະ ບໍລິຄຳໄຊ ດ້ວຍພື້ນທີ່ທີ່ໄດ້ຮັບການຍອມຮັບວ່າ ມີຄວາມຫຼາກຫຼາຍທາງດ້ານຊີວະນາໆພັນ ແລະ ໃນທ້າຍຊຸມປີ 1990 ແລະຕົ້ນຊຸມປີ 2000 ເຂດພູເຂົານີ້ ແມ່ນບ່ອນທີ່ມີການຄົ້ນພົບສັດລ້ຽງລູກດ້ວຍນົມຫລ້າສຸດ ໂດຍສະເພາະແມ່ນ Saola (Pseudoryx nghetinhensis), ເປັນສັດລ້ຽງລູກດ້ວຍນົມໃຫຍ່ທີ່ຫາຍາກທີ່ສຸດໃນໂລກ, ໄດ້ຖືກຄົ້ນພົບໃນພື້ນທີ່ໃນປີ 1993, ອີງຕາມເຈົ້າຫນ້າທີ່ ອຸທະຍານແຫ່ງຊາດນາກາຍນ້ໍາເທີນ.
ຮູບພາບ: Khamthavone Sinmany, AnouphonP