ອີງຕາມສະຖາບັນວິໄຈດາລາສາດແຫ່ງຊາດ ປະເທດໄທ ລາຍງານໃນວັນທີ 22 ທັນວານີ້ວ່າ: ເປັນມື້ເໝົາຍັນ ຫຼື ຕາເວັນອ້ອມຂ້າງເປັນຊ່ວງເວລາກາງຄືນທີ່ຍາວນານທີ່ສຸດໃນຮອບປີ ເຮັດໃຫ້ຊ່ວງກາງເວັນສັ້ນ ແລະ ຊ່ວງກາງຄືນຍາວນານທີ່ສຸດໃນຮອບປີ.

ເຊິ່ງດວງອາທິດຈະຂຶ້ນເວລາປະມານ 06:36 ນາທີ ແລະ ຕາເວັນຈະຕົກເວລາປະມານ 17:55 ນາທີ ລວມໄລຍະເວລາກາງເວັນພຽງແຕ່ 11:19 ຊົ່ວໂມງເທົ່ານັ້ນ ນອກຈາກນີ້ ມື້ເໝົາຍັນຍັງນັບເປັນມື້ທີ່ເຂົ້າສູ່ລະດູໜາວຂອງທາງປະເທດຊີກໂລກເໜືອ ແລະ ເປັນມື້ທີ່ກຳລັງເຂົ້າສູ່ລະດູຮ້ອນຂອງປະເທດທາງຊີກໂລກໃຕ້.

ນີ້ຈຶ່ງເປັນສາເຫດທີ່ເຮັດໃຫ້ມີລະດູໃນໂລກ ສັງເກດໄດ້ວ່າໃນລະດູຮ້ອນດວງອາທິດຈະຂຶ້ນໄວ ແລະ ຕົກຊ້າ ເວລາກາງເວັນຈະຍາວກວ່າກາງຄືນ ແຕກຕ່າງກັບະດູໜາວທີ່ດວງອາທິດຈະຂຶ້ນຊ້າ ແລະ ຕົກໄວ ເວລາກາງຄືນຈະຍາວນານກວ່າກາງເວັນ.

ທີ່ມາ: ໄທພີບີເອັສ