ຊາຍຖືກເລກລາງວັນໃຫຍ່ ແຕ່ກັບເອົາເງິນໄປບໍລິຈາກຫຼາຍຍ້ອນວ່າເງິນຫຼາຍເກີນຄວາມຈຳເປັນ ເຖິງຈະຖືກເລກກໍຕ້ອງດຸໝັ່ນເຮັດວຽກຕໍ່ໄປ.
ອີງຕາມແຫຼ່ງຂ່າວປະເທດຈີນ ໄດ້ລາຍງານວ່າ: ຊາຍດວງດີ ຊື່ວ່າ ຢີ່ ກົວ ຈາກມົນທົນເຮີໜານ ປະເທດຈີນ ໄດ້ເດີນທາງເພື່ອໄປຮັບລາງວັນທີ່ຖືກເລກຈຳນວນ 86,62 ລ້ານຢວນ ແລະ ໄດ້ບໍລິຈາກເງິນໃຫ້ກັບມູນນິທິພັດທະນາກິລາເຮີໜານທັນທີ ທີ່ໄດ້ຮັບລາງວັນ ຈຳນວນ 53 ລ້ານຢວນ ຖືວ່າເປັນຈຳນວນຫຼາຍກວ່າເຄິ່ງໜຶ່ງຂອງເງິນລາງວັນທີ່ໄດ້ມາ.
ເຊິ່ງສາເຫດທີ່ບໍລິຈາກເງິນຈຳນວນຫຼາຍ ທ້າວ ຢີ່ ກົວ ໄດ້ກ່າວວ່າ: ເພາະເງິນມັນຫຼາຍເກີນໄປ ຂ້ອຍບໍ່ສາມາດນຳເງິນໄປໃຊ້ໝົດໄດ້ ແນ່ນອນວ່າເຖິງຈະຖືກເລກ ແຕ່ກໍຈະບໍ່ຜັກຜ່ອນເດັດຂາດ ເຮົາຍັງຕ້ອງເຮັດວຽກໜັກຕໍ່ໄປ.
ຕາມການລາຍງານລະບຸວ່າ ທ້າວ ຢີ່ ກົວ ໄດ້ເດີນຜ່ານຮ້ານຂາຍເລກໃນເດືອນແລ້ວນີ້ ແລະ ໃຊ້ເງິນ 100 ຢວນໃນການຊື້ China Sports Lottery ຈົນລາວໄດ້ຮັບລາງວັນໃຫຍ່.