Homeຂ່າວພາຍ​ໃນປກສ ແຂວງຫຼວງນ້ຳທາ ເກັບກູ້ຂອງກາງຄະດີປະເພດລົດຈັກຄືນມາໄດ້ 15 ຄັນ

ປກສ ແຂວງຫຼວງນ້ຳທາ ເກັບກູ້ຂອງກາງຄະດີປະເພດລົດຈັກຄືນມາໄດ້ 15 ຄັນ

Published on

ຂໍຖືເປັນກຽດແຈ້ງມາຍັງພໍ່ແມ່ປະຊາຊົນ, ພໍ່ຄ້າຊາວຂາຍ, ພະນັກງານ, ທະຫານ, ຕໍາຫຼວດ, ທີ່ຢູ່ພາຍໃນແຂວງ ຫຼວງນໍ້ທາ, ແລະ ຂອບເຂດທົ່ວປະເທດ ທີ່ລົດຈັກຕົນເອງເສຍຫາຍ ໃນຊວງໄລຍະ ປີ 2022 ຫາ ວັນທີ 20 ພຶດສະພາ ປີ 2023.

ປັດຈຸບັນທາງເຈົ້າໜ້າທີ່ພະແນກຕໍາຫຼວດສືບສວນ – ສອບສວນ ຫ້ອງຕໍາຫຼວດ ກອງບັນຊາການ ປກສ ແຂວງຫຼວງນ້ຳທາ ໄດ້ເກັບກູ້ຂອງກາງຄະດີປະເພດລົດຈັກຄືນມາໄດ້ ແລະ ເກັບຮັກສາໄວ້ຈໍານວນ 15 ຄັນ ໃນນີ້ມີລົດຈັກຍີ້ຫໍ້ ຫົງດ້າ( HONGDA ) ເວບຈີນ 110 ໄອ ແລະ ຍີ້ຫໍ້ ຮອນກາ( HONGA ) ຈໍານວນ 4 ຄັນ, ລົດຈັກຍີ້ຫໍ້ ຮອນດ້າ( HONDA ) ເວບ 100 ຈໍານວນ 11 ຄັນ ( ລົດຈໍານວນ 15 ຄັນແມ່ນບໍ່ມີປ້າຍທະບຽນ ).

ປັດຈຸບັນ ທາງເຈົ້າໜ້າທີ່ແມ່ນໄດ້ເກັບຮັກສາໄວ້ຢູ່ພະແນກຕໍາຫຼວດສືບສວນ – ສອບສວນ ຫ້ອງຕໍາຫຼວດ ກອງບັນຊາການ ປກສ ແຂວງ ຫຼວງນໍ້າທາ.

ຫ້ອງຕໍາຫຼວດຈຶ່ງແຈ້ງມາຍັງພໍ່ແມ່ປະຊາຊົນ, ພໍ່ຄ້າຊາວຂາຍ, ພະນັກງານ, ທະຫານ, ຕໍາຫຼວດ, ທີ່ຢູ່ພາຍໃນແຂວງຫຼວງນໍ້ທາ ແລະ ບັນດາແຂວງໃນຂອບເຂດທົ່ວປະເທດ ທີ່ລົດຈັກຕົນເອງໄດ້ເສຍຫາຍ ຫຼື ຖືກຄົນຮ້າຍລັກໄປແມ່ນໃຫ້ນໍາເອົາເອກກະສານລົດຈັກມາທຽບເລກຈັກ, ເລກຖັງນໍາເຈົ້າໜ້າ ທີ່ຕໍາຫຼວດສືບສວນ – ສອບສວນ ຫ້ອງຕໍາຫຼວດກອງບັນຊາການ ປກສ ແຂວງ ຫຼວງນໍ້າທາຕາມໂມງລັດຖະການ ພາຍໃນກໍານົດເວລາ 90 ວັນ ນັບແຕ່ມື້ແຈ້ງການເປັນຕົ້ນໄປ ຖ້າກາຍແມ່ນຈະໄດ້ຢຶດເຂົ້າເປັນຂອງລັດ.

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...