ຍູທູບເບີຊາວອາເມຣິກາ ຖືກສານສັ່ງຈຳຄຸກ 6 ເດືອນຂໍ້ຫາຕັ້ງໃຈເຮັດເຮືອບິນຕົກ

0
3030

ອີງຕາມສຳນັກຂ່າວ ບິບິຊີ ລາຍງານໃນວັນທີ 6 ທັນວາ 2023, ໄດ້ມີຍູທູບເບີຊາວອາເມຣິກາ ຊື່ວ່າ ທ້າວ ເທເວີ ເຈຄັອບ ອາຍຸ 30 ປີໍ ເປັນອາດີດນັກກິລາສະໂນບອດໂອລິມປິກ ໄດ້ໂພສຄລິບວີດີໂອເມື່ອຕົ້ນເດືອນທັນວາຜ່ານມາ, ເປັນເຫດການທີ່ເຂົາຂັບເຮືອບິນນ້ອຍທີ່ມີກ້ອງຕິດຕາມຫຼາຍມຸມ ໄດ້ຂັບອອກຈາກສະໜາມບິນເທີ່ເມືອງ ຊານຕາບາບາຣາ ໃນລັດເຄລິຟໍເນຍ ຂຶ້ນໄປບໍລີເວນເທິງພູເຂົາ ກ່ອນທີ່ເຂົາຈະໂດດຈ້ອງລົງມາ ໃນຂະນະທີ່ເຮືອບິນຖືກຖິ້ມໄວ້ກາງອາກາດ ແລະ ໃນທີ່ສຸດເຮືອບບິນລຳດຳກ່າວກໍຕົກໃນບລິເວນເທິງພູ ອຸທະຍານແຫ່ງຊາດລອສ ປາເດສ ວີດີໂອດັ່ງກ່າວໄດ້ເຜີຍແຜ່ອອກໄປຈົນມີຍອດວິວຫຼາຍກວ່າ 4.4 ລ້ານວິວ.

ຫຼ້າສຸດເມື່ອວັນທີ 5 ທັນວາ 2023 ສານໃນລັດເຄລິຟໍເນຍສັ່ງຈຳຄຸກ ທ້າວ ເຈຄັອບເປັນເວວລາ 6 ເດືອນ ໃນຂໍ້ຫາທຳລາຍຊັບສິນ ແລະ ປົກປິດຄສາມຜິດ ທາງອາຍາ 1 ຂໍ້ຫາ ໂດຍມີເຈດຕະນາຂັດຂວາງການສອບສວນຂອງລັດທະບານກາງ ໄອຍະການລະບຸວ່າ: ຈຳເລີຍມີຄວາມຜິດທີ່ບໍ່ໄດ້ຕັ້ງໃຈຂັບໄປຮອດຈຸດໝາຍປາຍທາງຢູ່ແລ້ວ ແຕ່ຕັ້ງໃຈທີ່ຈະປ່ອຍໃຫ້ເຮືອບິນຕົກ ໂດຍເປັນການສ້າງຄອນເທັ້ນໃນສັງຄົມອອນລາຍ ເພື່ອໃຫ້ໄດ້ຍອດວິວທີ່ສູງ ແລະ ປະໂຫຍດທາງການເງິນ.

ນອກຈາກນີ້ຫຼັງເກີດເຫດເຂົາໄດ້ລາຍງານກ່ຽວກັບອຸບັດຕິເຫດຕໍ່ຂະນະກຳມະການຄວາມປອດໄພການຂົນສົ່ງແຫ່ງຊາດ ໂດຍຕົວະວ່າບໍ່ຮູ້ຈຸດເກີດເຫດທີ່ເຮືອບິນຕົກ ແຕ່ຕໍມາເົຂາໄດ້ເດີນທາງດ້ວຍເຮລິຄອບເຕີໄປເກັບ ແລະ ຂົນຍ້ານຊາກເຮືອບິນກ່ອນຈະລຳລາຍຖິ້ມໃນເວລາຕໍ່ມາ.