Homeຂ່າວພາຍ​ໃນເຈົ້າແຂວງຈຳປາສັກ ຕ້ອນຮັບຊ່ຽວຊານຈາກສູນມໍລະດົກໂລກ ອົງການຢູເນັສໂກ

ເຈົ້າແຂວງຈຳປາສັກ ຕ້ອນຮັບຊ່ຽວຊານຈາກສູນມໍລະດົກໂລກ ອົງການຢູເນັສໂກ

Published on

ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ຕ້ອນຮັບ ການເຂົ້າຢ້ຽມຂ່ຳນັບ ຂອງ ຄະນະຊ່ຽວຊານ ຈາກສູນມໍລະດົກໂລກ ອົງການຢູເນັສໂກ, ນຳໂດຍ ທ່ານ ນາງ ນາໂອະ ຮາຢ່າຊິ (Nao HAYASHI) ຊ່ຽວຊານສະເພາະດ້ານວັດທະນະທຳ (ຂົງເຂດປະເທດອາຊີ-ປາຊີຟິກ ແລະ ປະເທດລຸ່ມແມ່ນ້ຳຂອງ), ສູນມໍລະດົກໂລກ ອົງການຢູເນັສໂກ ໃນວັນທີ 5 ທັນວາ ນີ້ ທີີ່ຫ້ອງວ່າການແຂວງ.

อาจเป็นรูปภาพของ 2 คน, ห้องทำงานรูปไข่ของประธานาธิบดี และ ข้อความพูดว่า "T"

ໃນໂອກາດມາຕິດຕາມກວດກາ ການຈັດຕັ້ງປະຕິບັດບັນດາໂຄງການຮ່ວມມື ທີ່ແຂວງຈຳປາສັກ, ທ່ານ ນາງ ນາໂອະ ຮາຢ່າຊິ ໄດ້ກ່າວຄວາມຂອບໃຈທີ່ໃຫ້ການຕ້ອນຮັບ, ພ້ອມທັງ ໄດ້ຍົກໃຫ້ເຫັນເຖິງຄວາມເປັນມາ ແລະ ບົດບາດອັນໂດດເດັ່ນຂອງໂຄງການຮ່ວມມືສາກົນ, ການອະນຸລັກແຫຼ່ງມໍລະດົກໂລກວັດພູຈໍາປາສັກ ຊຶ່ງໄດ້ຖືກຈົດທະບຽນເຂົ້າເປັນ ແຫຼ່ງມໍລະດົກໂລກ ຂອງອົງການຢູເນັສໂກ ໃນປີ 2001 ແລະ ການມາເຄື່ອນໄຫວຄັ້ງນີ້ ຈະໄດ້ຕິດຕາມກວດກາ ການຈັດຕັ້ງປະຕິບັດບັນດາໂຄງການຮ່ວມມືສາກົນ ແລະ ຕິດຕາມສະພາບການອະນຸລັກແຫຼ່ງມໍລະດົກໂລກວັດພູຈໍາປາສັກ ເປັນຕົ້ນຢ້ຽມຢາມໂຄງການ ຮ່ວມມືລາວ-ອີນເດຍ, ຢ້ຽມຢາມໂຄງການຮ່ວມມືລາວ – ສ ເກົາຫຼີ ການປະຕິສັງຂອນໂຮງນາງສີດາ,ໂຄງການຮ່ວມມືລາວ-ຝຣັ່ງ (ໂຄງການຈໍາປາ), ລົງຕິດຕາມ ໂຄງການການວາງທໍ່ນໍ້າປະປາໆ ຈາກວັດພູເຂົ້າສູ່ຕົວເມືອງຈໍາປາສັກ. ນອກຈາກນັ້ນ ຍັງຈະໄດ້ລົງຢ້ຽມຢາມຫໍພິພິທະພັນວັດພູ, ຢ້ຽມຢາມເບິ່ງໂຄງການປູກຕົ້ນ ຈໍາປາ.

อาจเป็นรูปภาพของ 7 คน

ໂອກາດນີ້, ທ່ານ ວິໄລວົງ ບຸດດາຄຳ ໄດ້ສະແດງການຕ້ອນຮັບ ແລະ ເອກະພາບຕໍ່ຄຳເຫັນ ແລະ ແຜນເຄື່ອນໄຫວຂອງທ່ານ ນາງ ນາໂອະ ຮາຢ່າຊິ ພ້ອມດ້ວຍຄະນະຊ່ຽວຊານ ຈາກສູນມໍລະດົກໂລກ ອົງການຢູເນັສໂກ ໃນຄັ້ງນີ້, ພ້ອມນັ້ນ ກໍຊົມເຊີຍມາຍັງ ກົມມໍຣະດົກ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແລະ ສູນມໍລະດົກໂລກ ອົງການຢູເນັສໂກ ທີ່ໄດ້ຍາດແຍ່ງທຶນຮອນ ແລະ ຊ່ວຍຊຸກຍູ້ໃຫ້ການສະໜັບສະໜູນປະກອນສ່ວນເຂົ້າໃນການພັດທະນາການທ່ອງທ່ຽວໃຫ້ມີຄວາມຍືນຍົງຕາມທິດ ສົ່ງເສີມການທ່ອງທ່ຽວທຳມະຊາດ, ວັດທະນະທຳ ແລະ ປະຫວັດສາດ ທີ່ສຳຄັນຂອງແຂວງ. ພ້ອມກັນນັ້ນ, ທ່ານເຈົ້າແຂວງຈຳປາສັກ ຍັງມີບາງຂໍ້ສະເໜີ ຕໍ່ສູນມໍຣະດົກໂລກ ອົງການຢູເນັສໂກ ໃນການປົກປັກຮັກສາ ແລະ ພັດທະນາ ແຫຼ່ງມໍຣະດົກໂລກວັດພູຈໍາປາສັກ ເຊັ່ນ: ເອກະພາບໃນການກຳນົດຂອບເຂດເນື້ອທີ່ປົກປັກຮັກສາ, ພັດທະນາ ແລະ ສ້າງສິ່ງອຳນວຍຄວາມສະດວກຕ່າງໆໃຫ້ແກ່ນັກທ່ອງທ່ຽວ.

ແຫຼ່ງຂ່າວ ປະຊາຊົນ

ບົດຄວາມຫຼ້າສຸດ

ລັດຖະມົນຕີ ຍທຂ ລົງຕິດຕາມ ການກໍ່ສ້າງ ແລະ ສ້ອມແປງເສັ້ນທາງ ຢູ່ແຂວງໄຊຍະບູລີ ຢູ່ 4 ເມືອງໃຕ້ ແລະ ເສັ້ນທາງໄປຊາຍແດນລາວ-ໄທ, ໄຊຍະບູລີ-ເລີຍໂຄງການກໍ່ສ້າງຕ້ານເຈື່ອນຢູ່ນໍ້າເຫືອງ ເມືອງແກ່ນທ້າວ ແລະ ເມືອງບໍ່ແຕນ

ໃນວັນທີ 11 ພຶດສະພາ 2026 ທີ່ຫ້ອງວ່າການແຂວງ ໄຊຍະບູລີ ທ່ານ ເພັງນິລັນ ຄໍາພັນເພັງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ປະທານສະພາປະຊາຊົນ ໄຊຍະບູລີ ພ້ອມດ້ວຍຄະນະ...

ສັ່ງປະຫານຊີວິດ ຈີນໄດ້ຕັດສິນປະຫານຊີວິດ ອະດີດລັດຖະມົນຕີ ກະຊວງປ້ອງກັນປະເທດ 2 ຄົນ ໃນຂໍ້ຫາສໍ້ລາດບັງຫຼວງ ແຕ່ໄດ້ໂຈະໂທດໄວ້ 2 ປີ ຖ້າບໍ່ກະທຳຜິດຕື່ມ ຈະປ່ຽນເປັນຈຳຄຸກຕະຫຼອດຊີວິດ

ວັນທີ 7 ພຶດສະພາ 2026 ທີ່ຜ່ານມາ ສຳນັກຂ່າວປະເທດຈີນລາຍງານວ່າ ອະດີດລັດຖະມົນຕີກະຊວງປ້ອງກັນປະເທດຈີນ 2 ຄົນຄື ລີ ຊາງຟູ (Li Shangfu) ແລະ...

ເປີດລົງທະບຽນເຂົ້າຮ່ວມພັນທະກິດທາງເສດຖະກິດຂອງກຸ່ມປະເທດ ທີ່ໃຊ້ພາສາຝຣັ່ງປະຈຳອາຟຣິກາຕາເວັນອອກໃນວັນທີ 6-8 ຕຸລາ 2026 ທີ່ປະເທດຈິບູຕີ

ຫຼັງຈາກຜົນສຳເລັດຂອງການຈັດງານຫົກຄັ້ງຢູ່ທີ່ພາກພື້ນທີ່ໃຊ້ພາສາຝຣັ່ງໃນເຂດຕ່າງໆ, ອົງການສາກົນຂອງກຸ່ມປະເທດທີ່ໃຊ້ພາສາຝຣັ່ງ (OIF) ຍັງສືບຕໍ່ມຸ່ງໝັ້ນສ້າງຄວາມສາມັກຄີ ແລະ ຄວາມທະເຍີທະຍານທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງໂດຍຮ່ວມມືກັບອຳນາດການປົກຄອງຂອງຈິບູຕີຈັດຕັ້ງພັນທະກິດທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງຄັ້ງຕໍ່ໄປໃນວັນທີ 6 ຫາ 8 ຕຸລາ 2026 ທີ່ປະເທດຈິບູຕີ. ໂຄງການລິເລີ່ມນີ້ເປັນສ່ວນໜຶ່ງໃນຄວາມພະຍາຍາມສົ່ງເສີມການແລກປ່ຽນທາງການຄ້າລະຫວ່າງບັນດາປະເທດສະມາຊິກ ແລະ ລັດຖະບານ...

ສຶກສາຄວາມເປັນໄປໄດ້ເສັ້ນທາງລົດໄຟ ແຕ່ຄໍາມ່ວນ-ຈໍາປາສັກ-ຊາຍແດນລາວ-ກຳປູເຈຍ ແລະ ເຊື່ອມຕໍ່ໄປພະນົມເປັນ ນະຄອນໂຮ່ຈິມິນ ແລະ ບາງກອກ

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດໂອ້ລົມຕໍ່ກອງປະຊຸມວຽກງານ ໂຍທາທິການ ແລະ ຂົນສົ່ງ (ຍທຂ) ທົ່ວປະເທດ...