ສຳນັກຂ່າວຕ່າງປະເທດລາຍງານໃນອາທິດຜ່ານມາ, ປະເທດອັງກິດຢືນຢັນ ພົບຜູ້ປ່ວຍຕິດເຊື້ອໄຂ້ຫວັດໝູ ສາຍພັນໃໝ່ A(H1N2)v ກໍລະນີທຳອິດ ເຊິ່ງຄ້າຍກັບໄວຮັດທີ່ແຜ່ຢູ່ໃນຟາມໝູ.
ສຳນັກງານຫຼັກປະກັນສຸຂະພາບແຫ່ງຣາຊອານາຈັກ (UKHSA) ຖະແຫຼງເມື່ອວັນທີ 27 ພະຈິກ 2023 ຜ່ານມາວ່າ: ກວດພົບຜູ້ປ່ວຍຕິດເຊື້ອໄຂ້ຫວັດໝູ ສາຍພັນ H1N2 ຍັງບໍ່ຊາບແຫຼ່ງທີ່ມາຂອງການຕິດເຊື້ອເຊິ່ງຕາມການລາຍງານ ບຸກຄົນທີ່ກວດພົບເຊື້ອມີອາການລະບົບຫາຍໃຈ ເຈັບປ່ວຍເລັກນ້ອຍ ແລະ ຫາຍດີແລ້ວ.
ເຖິງຢ່າງໃດກໍ່ໍ່ຕາມ ໜ່ວຍງານ ທີ່ກ່ຽວຂ້ອງ ພວມເຝົ້າລະວັງ ຕິດຕາມ ຢ່າງໃກ້ຊິດ ເພື່ອຄວບຄຸມ ການແພ່ລະບາດ ຢ່າງຮີບດ່ວນ.