ແຈ້ງໃຫ້ຮ້ານບັນເທີງປິດບໍລິການກ່ອນ 23:00 ໂມງ ນັບແຕ່ມື້ນີ້ຈົນເຖິງ 03 ທັນວາ 2023

0
1243

ອີງຕາມ ຂໍ້ຕົກລົງ ຂອງທ່ານເຈົ້າແຂວງ ວ່າດ້ວຍການຈັດຕັ້ງ ແລະ ເຄື່ອນໄຫວພະແນກຖະແຫຼງຂ່າວ, ວັດ ທະນະທໍາ ແລະ ທ່ອງທ່ຽວແຂວງບໍລິຄໍາໄຊ ສະບັບເລກທີ 05/ຂບຊ, ລົງວັນທີ 04 ມັງກອນ 2003; ອີງຕາມ ທິດຊີ້ນໍາ ຂອງທ່ານຮັກສາການແທນຫົວຫນ້າພະແນກ ຮອງຫົວຫນ້າພະແນກຖະແຫຼງຂ່າວ, ວັດ ທະນະທໍາ ແລະ ທ່ອງທ່ຽວແຂວງ ຄັ້ງວັນທີ 22 ພະຈິກ 2023.

ເພື່ອຂ່ໍານັບຮັບຕ້ອນວັນຊາດ ທີ 02 ທັນວາ 2023 ຄົບຮອບ 48 ປີ ( 02 ທັນວາ 1975 – 02 ທັນວາ 2023 ) ເພື່ອເຮັດໃຫ້ຮ້ານອາຫານ, ກິນດື່ມ-ບັນເທີງ ພາຍໃນແຂວງບໍລິຄໍາໄຊ ມີຄວາມເປັນລະບຽບ, ມີຄວາມສະຫງົບ, ປອດໄພ ແລະ ມີຄວາມເປັນເອກະພາບກັນ.

ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ ຂໍຖືເປັນກຽດແຈ້ງມາຍັງ ເຈົ້າຂອງທຸລະກິດ ຮ້ານອາຫານ, ກິນດື່ມ-ບັນເທີງ ພາຍໃນແຂວງບໍລິຄໍາໄຊ ຊາບວ່າ: ໃຫ້ເຈົ້າຂອງທຸລະກິດຮ້ານອາຫານ, ກິນດື່ມ- ບັນເທີງ ພາຍໃນແຂວງບໍລິຄໍາໄຊ ປິດບໍລິການກ່ອນເວລາ 23:00 ໂມງ ນັບແຕ່ວັນທີ 29 ພະຈິກ 2023 – 03 ທັນວາ 2023.