ອີງຕາມສຳນັກຂ່າວ ບີບີຊີ ລາຍງານໃນວັນທີ 29 ພະຈິກ 2023 ນີ້ໄດ້ເກີດເຫດການສະເທືອນຂັວນ ໃນປາກີສະຖານ ເມື່ອຍິງສາວອາຍຸ 18 ປີ ຖືກພໍ່ ແລະ ລຸງຂອງຕົນເອງຍິງເສຍຊີວິດເພື່ອປົກປ້ອງກຽດສັກສີຂອງຄອບຄົວ ເມື່ອອາທິດທີ່ຜ່ານມາ ຫຼັງຈາກມີຮູບພາບຍິງສາວ (ລູກສາວ) ກັບຊາຍຄົນໜຶ່ງຫຼຸດ ແລະ ໄດ້ຖືກແຊຣອອກເປັນຈຳນວນຫຼາຍໃນສື່ສັງຄົມອອນລາຍ.
ທາງດ້ານຕຳຫຼວດ ໄດ້ຈັບກຸມ ພໍ່ຂອງຜູ້ເສຍຊີວິດ ແຕ່ຜູ້ເປັນລຸງສາມາດຫຼົບໜີໄດ້ ສ່ວນຊາຍທີ່ຢູ່ໃນຮູບຍັງຢູ່ໃນການຄຸ້ມຄອງຂອງເຈົ້າໜ້າທີ່ຕຳຫຼວດແລ້ວ, ຈາກການສືບສວນຕຳຫຼວດໄດ້ສັນນິຖານວ່າພາບຖ່າຍທີ່ຫຼຸດອອກໄປ ເປັນພາບຕັດຕໍ່ ແລະ ຖືກໂພສໂດຍບັນຊີປອມ.
ຢ່າງໃດກໍຕາມ, ບາງພຶ້ນທີ່ໃນປາກີສະຖານ ລວມເຖິງໂຄຮີສະຖານ ເປັນພຶ້ນທີ່ທີ່ມັກເກີດເຫດການທີ່ເອີ້ນວ່າການສັງຫານເພື່ອປົກປ້ອງກຽດສັກສີໄດ້ເກີດຂຶ້ນຫຼາຍຄັ້ງໃນຊ່ວງບໍ່ເທົ່າໃດປີທີ່ຜ່ານມາ, ທັງນີ້ປະເພນີດັ່ງກ່າວຕາມຄວາມເຊື່ອຂອງຊົນເຜົ່າເບິ່ງວ່າ: ການສັງຫານຜູ້ຍິງທີ່ສ້າງຄວາມເສື່ອມເສຍຕໍ່ຄອບຄົບເປັນສິ່ງທີ່ມີກຽດ ແຕ່ການສັງຫານອາດເກີດຈາກສາເຫດເລັກນ້ອຍເຊັ່ນ: ການແຕ່ງກາຍທີ່ບໍ່ເໝາະສົມ ແລະ ການສະແດງພຶດຕິກຳທີ່ຖືກເບິ່ງອອກວ່າເປັນການບໍ່ເຊື່ອຟັງ.
ທີ່ມາ: ບີບີຊີ