ອີງຕາມສຳນັກຂ່າວປະເທດໄທ ລາຍງານໃນທີ 25 ພະຈິກ 2023 ຜ່ານມາ, ເກີດເຫດການສະຫຼົດ ເມື່ອຕຳຫຼວດໄດ້ຮັບແຈ້ງວ່າເກີດເຫດການກາດຍິງກັນເສຍຊີວິດຫຼາຍຄົນ ໃນງານແຕ່ງດອງແຫ່ງໜຶ່ງ ທີ່ບ້ານສານເຈົ້າພໍ່ຊຸມຊຸນປ່າຂະນຸນ ເມືອງວັງນ້ຳຂຽວ ນະຄອນຣາຊສີມາ ປະເທດໄທ.
ຕາມການລາຍງານຂອງເຈົ້າໜ້າທີ່ໄດ້ລະບຸວ່າ: ຢູ່ຈຸດເກີດເຫດມີຄົນເສຍຊີວິດ 4 ຄົນ ແລະ ໄປເສຍຊີວິດຢູ່ໂຮງໝໍອີກ 1 ຄົນ ລວມເປັນ 5 ຄົນ ແລະ ໄດ້ຮັບບາດເຈັບອີກ 1 ຄົນ ຈາກການສືບສວນຂອງເຈົ້າໜ້າທີ່ພົບວ່າ: ຜູ້ກໍ່ເຫດຊື່ ທ້າວຈະຕຸຣົງ ອາຍຸ 29 ປີ (ເຈົ້າບ່າວ) ໄດ້ໃຊ້ປືນສັ້ນຍິງເຈົ້າສາວ ອາຍຸ 44 ປີ, ແມ່ເຈົ້າສາວ, ນ້ອງເຈົ້າສາວ ແລະ ໝູ່ອີກ 2 ຄົນທີ່ມາຊ່ວຍວຽກ ກ່ອນຈະໃຊ້ປືນກະບອກດຽວກັນຍິງຕົນເອງຕາຍຕາມ.
ເຊິ່ງກ່ອນໜ້ານີ້ມີແຂກ ແລະ ພີ່ນ້ອງທີ່ໄດ້ມາຮ່ວມງານສັງເກດເຫັນສີໜ້າຂອງເຈົ້າບ່າວ ບໍ່ຄ່ອຍສົດຊື່ນຫຼັງຈາກຈັດງານແລ້ວໃນຊ່ວງເຊົ້າໄດ້ນັ່ງກິນ-ດື່ມ ຊຸມແຊວກັນ ແຕ່ເກີດມີປາກສຽງກັນຍ້ອນເຈົ້າບ່າວມີຄວາມຫຶງຫວງເຈົ້າສາວ ຍ້ອນເຈົ້າສາວມີຄວາມງາມ ແລະ ມີຄົນມາມັກຫຼາຍ ຈຶ່ງເຮັດໃຫ້ຕົນບໍ່ພໍໃຈ ແລ້ວຍ່າງອອກຈາກວົງກິນເຂົ້າໄປຈັບປືນຢູ່ລົດລົງມາຍິງ ຄົນໃນວົງທັງໝົດ.
ອ້າງອີງ: ບາງກອກ ອິນໄຊ້