ເຈົ້າໜ້າທີ່ຈະລາຈອນນະຄອນຫລວງວຽງຈັນ ໃຫ້ຮູ້ວ່າ: ເວລາ 15:00 ຂອງວັນທີ 3 ທັນວານີ້ ໄດ້ເກີດອຸປະຕິເຫດ
ລົດບັນທຸກ 12 ລໍ້ ໝາຍເລກທະບຽນ ບກ 9806, ເຊິ່ງຂັບຂີ່ໂດຍທ້າວ ຊາຍ ອາຍຸ 29ປີ ຢູ່ບ້ານສະໄກ ເມືອງສັງທອງ
ແລ່ນອອກຈາກ ບໍລິສັດ ຫົງຄຳ ຄອນກຼີດ ມຸ້ງໜ້າໄປທາງບ້ານທົ່ງປົ່ງ ໄດ້ຢຽບເອົາລົດຈັກໝາຍເລກທະບຽນ ຈຄ
3906 ກຳແພງນະຄອນ ຂັບຂີ່ມາໃນທິດທາງດຽວກັນຢູ່ເສັ້ນທາງເລກ 13 ເໜືອເຂດບ້ານນາເລົ່າ ເມືອງສີໂຄດຕະ
ບອງ ນະຄອນຫລວງວຽງຈັນ ເຮັດໃຫ້ຜູ້ຂັບຂີ່ລົດຈັກຊື່ ທ້າວ ເຖົ້າ ອາຍຸ 44 ປີ ຢູ່ບ້ານ ໜອງໜ້ຽວ ເມືອງສີໂຄດຕະ
ບອງ ເສຍຊີວິດຄາທີ່.
ພາຍຫລັງເກີດເຫດລົດບັນທຸກຄັນດັ່ງກ່າວໄດ້ຫລົບໜີ ຈາກນັ້ນ ເຈົ້າໜ້າທີ່ຈຶ່ງໄດ້ຕິດຕາມນຳຕົວຄົນຂັບລົດຄັນ
ດັ່ງກ່າວໄດ້ໃນວັນຕໍ່ມາ. ສ່ວນສາເຫດຂອງການເກີດອຸປະຕິເຫດນີ້ເຈົ້າໜ້າທີ່ພວມສືບສວນ-ສອບສວນເພື່ອດຳ
ເນີນຄະດີທາງກົດໝາຍ.
ເຈົ້າໜ້າທີ່ໃຫ້ຮູ້ຕື່ມອີກວ່າ: ສະເພາະເດືອນພະຈິກຜ່ານມານີ້ ທົ່ວນະຄອນຫລວງວຽງຈັນ ມີອຸປະຕິເຫດລົດບັນທຸກ
ຕຳລົດຈັກຫລາຍເຖິງ 5 ກໍລະນີ ເກືອບວ່າທຸກມື້ໄດ້ມີອຸປະຕິເຫດດັ່ງກ່າວເກີດຂຶ້ນ ດັ່ງນັ້ນຈຶ່ງຂໍຮຽກຮ້ອງໃຫ້ຜູ້ໃຊ້ລົດ
ໃຊ້ຖະໜົນມີສະຕິເຄົາລົບລະບຽບ ແລະ ກົດໝາຍຈະລາຈອນໃຫ້ຫລາຍຂຶ້ນ.
ແຫລ່ງຂ່າວ: ລາວພັດທະນາ