ເວັບໄຊ້ຂ່າວຕ່າງປະເທດໃນວັນທີ 1 ພະຈິກ 2023 ຜ່ານມາລາຍງານເລື່ອງລາວທີ່ເປັນກະແສຈາກສື່ສັງຄົມອອນລາຍໃນຈີນ ເຊິ່ງເປັນງານແຕ່ງດອງຂອງຄູ່ບ່າວ-ສາວ ຄູ່ໜຶ່ງທີ່ຈັດງານວິວາແບບຍິ່ງໃຫຍ່ ໃນໂຮງແຮມຫຼູ ແຕ່ອາຫານທີ່ນຳມາໃຫ້ແຂກໃນງານຮັບປະທານເປັນເຂົ້າກ່ອງ ຄົນລະກ່ອງເທົ່ານັ້ນ ຈຶ່ງເຮັດໃຫ້ແຂກທີ່ມາຮ່ວມງານຕ່າງກໍພາກັນຕະລຶງໄປພ້ອມໆກັນ.
ຕາມການລາຍງານຈາກສື່ທ້ອງຖິ່ນ ເຜີຍແຜ່ຄລິບວີດີໂອໃນງານແຕ່ງດອງດັ່ງກ່າວສະແດງໃຫ້ເຫັນແຂກທີ່ເຂົ້າຮ່ວມງານ ແລະ ໄດ້ເປັນຖົງຢາງໃຫຍ່ສີແດງ ເຊິ່ງພາຍໃນຖົງມີເຂົ້າກ່ອງ ເພື່ອແຈກຈ່າຍສຳລັບຄົນລະ 1 ກ່ອງ ໂດຍມີລາຄາ 1 ກ່ອງປະມານ 50 ຢວນຫຼືປະມານ 180.000 ກີບ.
ຢ່າງໃດກໍຕາມເລື່ອງລາວດັ່ງກ່າວເປັນປະເດັນໂຕ້ຖຽງກັນໃນສື່ສັງຄົມອອນລາຍຢ່າງຫຼວງຫຼາຍ ເຮັດໃຫ້ຫຼາຍຄົນເຂົ້າມາສະແດງຄວາມຄິດເຫັນວ່າ: ເຂົ້າກ່ອງໃນງານແຕ່ງແບບນີ້ຫາກໍເຄີຍເຫັນເປັນຄັ້ງທຳອິດ, ບາງຄົນກໍບອກວ່າ: ເປັຍພາບທີ່ໜ້າອາຍ ບໍ່ມີໃຫ້ເລີຍຈະດີກວ່າ.
ໃນຂະນະດຽວກັນບາງຄົນກໍສະແດງຄວາມຄິດເຫັນທີ່ແຕກຕ່າງເຊັ່ນ: ນີ້ອາດເປັນເຂົ້າສວຍງ່າຍໆ ກ່ອນຈະຮອດການຈັດງານລ້ຽງໃຫຍ່ໃນຕອນແລງ ແລະ ກຸ່ມຄົນເຫຼົ່ານີ້ກໍອາດເປັນຍາດພີ່ນ້ອງ, ໝູ່ເພື່ອນ ຫຼື ຄອບຄົວທີ່ມາຊ່ວຍກະກຽມງານກໍເປັນໄດ້.