ພົບຄົນເຈັບທີ່ຕິດພະຍາດໝາກສຸກລີງ ເສຍຊີວິດເປັນກໍລະນີທຳອິດຂອງປະເທດຫວຽດນາມ ເປັນເພດຊາຍ ອາຍຸ 29 ປີ ຈາກແຂວງລອງອັນ ໂດຍຊາຍດັ່ງກ່າວໄດ້ຕິດເຊື້ອພະຍາດໝາກສຸກລີງ ແລະ ເຊື້ອ HIV ຫຼື ເອດ ໄລຍະສຸດທ້າຍ.

ຜູ້ປ່ວຍຄົນນີ້ ໄດ້ເຂົ້າຮັກສາຕົວຢູ່ໂຮງໝໍທີ່ນະຄອນໂຮຈີມິນ ໃນວັນທີ 2 ຕຸລາ 2023 ໂດຍມີອາການເປັນໄຂ້ ແລະ ເປັນຕຸ່ມ ລວມເຖິງຕິດເຊື້ອ Candida ແລະ ມີພາວະປອດອັກເສບ ເຊິ່ງຕໍ່ມາໄດ້ລາມຈົນເຮັດໃຫ້ຊັອກຈາກການຕິດເຊື້ອ ແລະ ອະໄວຍະວະສ່ວນຫຼາຍລົ້ມເຫຼວ.

ໃນລາຍງານຍັງລະບຸວ່າ ຜູ້ປ່ວຍເສຍຊີວິດພາຍຫຼັງຮັບການຮັກສາດ້ວຍເຄື່ອວຊ່ວຍຫາຍໃຈ ກອງເລືອດ ແລະ ຢາຕ້ານເຊື້ອເປັນເວລາ 18 ມື້.

ທັ້ງນີ້ ໃນຕົ້ນປີ 2023 ໃນໂຮຈີມິນ ພົບຜູ້ຕິດພະຍາດໝາກສຸກລີງຢ່າງໜ້ອຍ 20 ຄົນ ເຊິ່ງທັງໝົດຮັກສາຕົວຢູ່ໂຮງໝໍ ໂດຍ ຜູ້ປ່ວຍ 18 ຄົນ ໃນນັ້ນຊາຍ 17 ຄົນ ແລະ ຍິງ 1 ຄົນ ທີ່ຜົນກວດມີເຊື້ອ HIV ນຳ.

ແຫຼ່ງຂ່າວ Xinhua