spot_img
Home​ຂ່າວທ່ອງທ່ຽວພູຫົວໂລ້ນໜຶ່ງໃນສະຖານທີ່ທ່ອງທ່ຽວ ທີ່ໄດ້ຮັບຄວາມນິຍົມຫຼາຍທີ່ສຸດໃນຕອນນີ້!

ພູຫົວໂລ້ນໜຶ່ງໃນສະຖານທີ່ທ່ອງທ່ຽວ ທີ່ໄດ້ຮັບຄວາມນິຍົມຫຼາຍທີ່ສຸດໃນຕອນນີ້!

Published on

ພູຫົວໂລ້ນເປັນໜຶ່ງໃນສະຖານທີ່ໄດ້ຮັບຄວາມນິຍົມຫຼາຍທີ່ສຸດໃນຕອນນີ້, ບໍ່ວ່າຈະເປັນການຍ່າງ ຫຼື ໄປນອນເຕັ້ນ ເພື່ອດື່ມດຳກັບບັນຍາກາດ ແລະ ທິວທັດທີ່ສວຍສົດງົດງາມ ເຊິ່ງໃນແຕ່ມື້ຈະມີນັກທ່ອງທ່ຽວທັງພາຍໃນ ແລະ ຕ່າງປະເທດໄປທ່ຽວຊົມພູດັ່ງກ່າວ.

ເຮັດໃຫ້ຫຼາຍຄົນໃຫ້ຄວາມສົນໃຈວ່າ ພາກສ່ວນໃດ ຫຼື ບຸກຄົນໃດ ເປັນເຈົ້າຂອງ ຫຼື ຄຸ້ມຄອງຢູ່, ເຊິ່ງທາງທີມງານລາວໂພສເຮົາກໍໄດ້ຖືໂອກາດຕິດຕໍ່ສຳພາດຜູ້ເປັນລູກຂອງເຈົ້າຂອງແຫຼ່ງທ່ອງທ່ຽວພູຫົວໂລ້ນ ໂດຍໃຫ້ຮູ້ວ່າ:

ທ່ານ ໜາວເຊັງ ເຮີຫວ່າງຕົວ ອາຍຸ 64 ປີ ຊົນເຜົາມົ້ງ ເປັນເຈົ້າຂອງດິນເຂດພູຫົວໂລ້ນ ທີ່ກາຍເປັນແຫຼ່ງທ່ອງທ່ຽວຍອດນິຍົມໃນຕອນນີ້, ມີເນື້ອທີ່ທັງໝົດຫຼາຍກວ່າ 100 ເຮັກຕາ. ເຊິ່ງເເຕ່ກ່ອນເເມ່ນເປັນພຽງຄັງສັດ (ລ້ຽງງົວ ແລະ ຄວາຍ) ເເຕ່ເນື່ອງຈາກພູຫົວໂລ້ນມີຄວາມເປັນເອກະລັກພິເສດມີຄວາມສວຍງາມ ຈຶ່ງເລີ່ມໄດ້ຮັບຄວາມນິຍົມຈາກນັກທ່ອງທ່ຽວທັງພາຍໃນ ເເລະ ຕ່າງປະເທດ.

ເຊິ່ງທາງເຈົ້າຂອງເອງກໍມີເເຜນທີ່ຈະຄຸ້ມຄອງ ເເລະ ພັດທະນາໃຫ້ການເປັນເເຫຼ່ງທ່ອງທ່ຽວເພື່ອຮອງຮັບນັກທ່ອງທ່ຽວ ແລະທາງພາກລັດກໍໄດ້ເອົາໃຈໃສ່ຕໍ່ກັບວຽກງານການທ່ອງທ່ຽວເພື່ອຮອງຮັບປີທ່ອງທ່ຽວ2024. ສະນັ້ນ, ຈຶ່ງໄດ້ຮັບການສະໜັບສະໜູນຈາກພາກສ່ວນກ່ຽວຂ້ອງເປັນຕົ້ນເເມ່ນພະເເນກຖະເເຫຼງຂ່າວວັດທະນາທໍາ ເເລະ ທ່ອງທ່ຽວເເຂວງ. ດັ່ງນັ້ນ, ທາງເຈົ້າຂອງທີ່ດິນຈຶ່ງໄດ້ຂຽນບົດວິພາກເສດຖະກິດເພື່ອຂໍອານຸຍາດດຳເນີນທຸລະກິດໄປຕາມຂັ້ນຕອນ. ປັດຈຸບັນ ເເມ່ນໄດ້ຮັບການອານຸຍາດຈາກພາກສ່ວນທີ່ກ່ຽວຂ້ອງເເລ້ວ.

ສຳລັບແຫຼ່ງທ່ອງທ່ຽວພູຫົວໂລ້ນຍັງໄດ້ໄດ້ວາງແຜນອະນາຄົດວ່າ ຍັງຈະສືບຕໍ່ສ້າງເຮືອນພັກ ແລະ ຮ້ານອາຫານເພື່ອຮອງຮັບນັກທ່ອງທ່ຽວທັງພາຍໃນ ແລະ ຕ່າງປະເທດ (ເປັນແຜນອະນາຄົດ).

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...