ອິງຕາມສຳນັກຂ່າວ MGR ລາຍງານໃນວັນທີ 23 ຕຸລາ 2023 ຜ່ານມານີ້, ໄດ້ເກີດເຫດການໄຟໄໝ້ທີ່ຫ້ອງຈັດງານລ້ຽງງານແຕ່ງດອງ ທີ່ມີແຂກເຂົ້າຮ່ວມງານຫຼາຍກວ່າ 400 ຄົນ ໃນແຂວງບ່າເລີຍະ-ຫຸງເຕົ່າ ທາງພາກໃຕ້ຂອງປະເທດຫວຽດນາມ ແຕ່ໂຊກດີທີ່ທຸກຄົນສາມາດຫຼົບໜີອອກມາໄດ້ທັນໂດຍບໍ່ມີຄົນເສຍຊີວິດ.

ຕາມການລາຍງານເບື້ອງຕົ້ນຫຼັງງານລ້ຽງໄດ້ຈັດຂຶ້ນໃນຫ້ອງຂອງໂບດ ຜ່ານໄປໄດ້ປະມານເຄິ່ງຊົ່ວໂມງ ໄຟດ້ລຸກໄໝ້ຂຶ້ນຢ່າງໄວວາ ຂອງບໍລິເວນດ້ານຫຼັງວົງດົນຕີທີ່ກຳລັງຫຼິ້ນຢູ່ ເຊິ່ງວັດຖຸທີ່ໃຊ້ໃນການຕົບແຕ່ງເປັນປະເພດຕິດໄຟໄດ້ງ່າຍ ແລະ ລາມຢ່າງໄວ.

ທາງເຈົ້າໜ້າທີ່ໄດ້ນຳລົດດັບໄຟ 4 ຄັນເຂົ້າໃນການຄວບຄຸມສະຖານະການຄັ້ງນີ້ເຊິ່ງໃຊ້ເວລາພຽງ 30 ນາທີ ແລະ ຕຳຫຼວດຄາດການວ່າສາເຫດໄຟໄໝ້ໃນຄັ້ງນີ້ອາດເປັນຍ້ອນໄຟຟ້າເກີດຂັດຂ້ອງ ສ່ວນຄວາມເສຍຫາຍຕຄົກຢູ່ປະມານ 1000 ລ້ານໂດງ ຫຼື ປະມານເກືອບ 1 ຕື້ກີບ.