Homeຂ່າວພາຍ​ໃນຕ້ອງການຄວາມຊ່ວຍເຫຼືອດ້ານການແພດສຸກເສີນ ໃຫ້ໂທຫາສາຍດ່ວນ 1195

ຕ້ອງການຄວາມຊ່ວຍເຫຼືອດ້ານການແພດສຸກເສີນ ໃຫ້ໂທຫາສາຍດ່ວນ 1195

Published on

ມະຫາວິທະຍາໄລສຶກຸບະ ແລະ ບໍລິສັດໄອທີຂອງຍີ່ປຸ່ນ (Japan Research Institute for Social Systems) ໄດ້ສ້າງຕັ້ງ ສູນບັນຊາການ-ຄວບຄຸມ ແລະ ແຈ້ງເຫດ ດ້ານການແພດສຸກເສີນ ທີ່ໂຮງໝໍມິດຕະພາບ ຜ່ານການຮ່ວມມືກັບອົງການໄຈກາ ແລະ ໂຮງໝໍມິດຕະພາບ.

ພາຍໃຕ້ການຮ່ວມມືກັບໜ່ວຍງານກູ້ໄພຈຳນວນຫ້າກຸ່ມປະກອບມີ: ກູ້ໄພນະຄອນຫລວງ (1624), ໜ່ວຍກູ້ໄພມູນນິທິ (1623), ສູນຮັບແຈ້ງເຫດແລະສັ່ງການໜ່ວຍກູ້ຊີບອົງການກາແດງລາວ (1625), ກູ້ໄພມູນນິທິຈີນ (1628), ມູນນິທິຮ່ວມໃຈ (1630) ໄດ້ເຫັນດີຕົກລົງເປີດນຳໃຊ້ ເບີໂທສຸກເສີນທີ່ເປັນສູນລວມ “1195” ຢ່າງເປັນທາງການຕັ້ງແຕ່ວັນທີ 16 ຕຸລາ 2023 ເປັນຕົ້ນໄປ, ເຊິ່ງໄລຍະຜ່ານມາ, ໜ່ວຍກູ້ໄພແຕ່ລະກຸ່ມມີເບີໂທສຸກເສີນ ເປັນຂອງຕົນເອງ ແລະ ໃຫ້ການຊ່ວຍເຫລືອດ້ານການແພດສຸກເສີນຂອງໃຜລາວ ເຊິ່ງເປັນເຫດໃຫ້ບາງຄັ້ງ ມີລົດສຸກເສີນຈຳນວນຫລາຍຄັນຖືກສົ່ງໄປບ່ອນເກີດເຫດຈຸດດຽວກັນ. ສະນັ້ນ ການເປີດນຳໃຊ້ເບີ 1195 ຜ່ານສູນບັນຊາການ-ຄວບຄຸມ ແລະ ແຈ້ງເຫດດ້ານການແພດສຸກເສີນ ຈະຊ່ວຍໃນການປະສານງານກັບໜ່ວຍກູ້ໄພໄດ້ຢ່າງມີປະສິດທິພາບຫລາຍຂຶ້ນ.

ຍິ່ງໄປກວ່ານັ້ນ, ຢູ່ສູນບັນຊາການ-ຄວບຄຸມ ແລະ ແຈ້ງເຫດດ້ານການແພດສຸກເສີນ ໄດ້ນຳໃຊ້ລະບົບ ສະໜັບສະໜູນ ການບໍລິການ ການແພດສຸກເສີນ ເຊິ່ງມັນຈະຊ່ວຍໃຫ້ໂຮງໝໍສູນກາງຈຳນວນສາມແຫ່ງ (ໂຮງໝໍມິດຕະພາບ, ໂຮງໝໍເສດຖາທິຣາດ ແລະ ໂຮງໝໍມະໂຫສົດ) ແລະ ກຸ່ມຂອງໜ່ວຍງານກູ້ໄພ ໄດ້ມີການແບ່ງປັນຂໍ້ມູນເຊິ່ງກັນແລະກັນ ກ່ຽວກັບອຸບັດຕິເຫດ, ການບາດເຈັບ, ຈຸດທີ່ຕັ້ງຂອງລົດສຸກເສີນ ແລະ ຍັງສາມາດນຳເອົາຂໍ້ມູນທີ່ບັນທຶກໃນລະບົບ ມາປະເມີນຜັນເພື່ອປັບປຸງມາດຕະການ ແລະການບໍລິການໄດ້ອີກ. ທັງໝົດນີ້ ຈະຊ່ວຍໃຫ້ການຈັດສົ່ງຄົນເຈັບໄປຫາໂຮງໝໍໄດ້ໄວຂຶ້ນ.

ຖ້າຕິດຕໍ່ບໍ່ໄດ້ກະລຸນາໂທ: 021 711841

ຂໍ້ມູນ: Lao Youth Radio FM 90.0 Mhz

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...