ອາການສະເອິ ເປັນໜຶ່ງໃນອາການທີ່ສາມາດເກີດຂຶ້ນໄດ້ກັບທຸກຄົນ ແລ້ວເມື່ອເວລາຄົນເຮົາເກີດອາການສະເອິແລ້ວຍັງຮູ້ສຶກກວນໃຈ ດັ່ງນັ້ນມື້ນີ້ທີມງານລາວໂພສຈຶ່ງຫາວິທີແກ້ອາການສະເອິງ່າຍໆພາຍໃນ 3 ນາທີ ແລະ ມາຮູ້ພ້ອມກັນວ່າອາການສະເອິເກີດຂຶ້ນມາຈາກຫຍັງ?
ສາເຫດຂອງອາການສະເອິເກີດຈາກການຫົດເກັງກະບັງລົມ (ກ້າມເນື້ອທາງເດີນຫາຍໃຈ) ໂດຍບໍ່ໄດ້ຕັ້ງໃຈເນື່ອງຈາກກະບັງລົມ ແລະ ກ້າມເນື້ອລະຫວ່າງກະດຼກຂ້າງເຮັດວຽກບໍ່ປົກກະຕິ ຫຼື ຈະ ມີ ສາເຫດອື່ນໆເຊັ່ນ: ລະບົບປະສາດທີ່ຄວບຄຸມກະບັງລົມ ຖືກລົບກວນ, ການຂະຫຍາຍໂຕຂອງກະເພາະອາຫານຫຼາຍເກີນໄປ, ການປ່ຽນແປງອຸນຫະພູມຫ້ອງຢ່າງວ່ອງໄວ, ການດື່ມເຄື່ອງດື່ມທີ່ມີແອວກໍຮໍຫຼາຍ, ປັດໃຈດ້ານຈິດໃຈເຊັ່ນ: ຄຽດ, ຕື່ນເຕັ້ນ, ຢ້ານ.
ສ່ວນວິທີແກ້ອາການສະເອິມີ 4 ວິທີຄື:
ວິທີທີ່ 1 ຫາຍໃຈເຂົ້າເລິກໆ ແລ້ວກັ້ນໃຈໄວ້ 10 ວິນາທີ, ຫາຍໃຈອອກແລ້ວດື່ມນ້ຳຕາມທັນທີ.
ວິທີທີ່ 2 ເງີຍໜ້າຂຶ້ນແລ້ວກັ້ນຫາຍໃຈໄວ້ 10 ວິນາທີ, ຫາຍໃຈອອກແລ້ວດື່ມນ້ຳຕາມທັນທີ
ວິທີທີ່ 3 ອົມນ້ຳໄວ້ແລ້ວກົ້ມໜ້າ ໃຫ້ຄາງຕິດກັບໜ້າເອິກ ແລ້ວພະຍາຍາມກືນນ້ຳທີ່ອົມເອົາໄວ້
ວິທີທີ່ 4 ຫາຍໃຈເຂົ້າແລ້ວກັ້ນຫາຍໃຈ 10 ວິນາທີ ຫຼັງຈາກນັ້ນກືນນ້ຳລາຍ3-4 ຄັ້ງ ແລ້ວຫານໃຈອອກທັນທີ.
ສິ່ງທີ່ຄວນຫຼີກລ່ຽງເພື່ອປ້ອງກັນການເກີດອາການສະເອິກ
-ເຫຼົ້າ
-ການສູບຢາ
-ການກິນອາຫານຫຼາຍເກີນໄປ
-ການຢ້ຳອາຫານບໍ່ລະອຽດ, ອາຫານເຜັດ
-ອາການຫງຸດຫງິດ, ອາລົມທາງລົບ
ສຳລັບໃຜທີ່ມີອາການສະເອິກລອງນຳວິທີເຫຼ່ານີ້ໄປນຳໃຊ້ເບິ່ງ ຫານມີອາການສະເອິກຢູ່ຕະຫຼອດ 2-3 ມື້ ແລະ ມີອາງການອື່ນໆຮ່ວມດ້ວຍເຊັ່ນ: ສະເອິກແຮງ, ຈົນມີອາການເຈັບຄໍເຈັບໜ້າເອິກ ຄວນໄປພົບແພດເພື່ອຫາສາເຫດຂອງອາການເຫຼົ່້ານີ້ເພີ່ມເຕີມ.