ເພື່ອເປັນການສະຫຼອງ ວັນແຫ່ງຊາດ ຕ້ານຢາເສບຕິດ ຄົບຮອບ 22 ປີ (ວັນ 12 ຕຸລາ 2001- 12 ຕຸລາ 2023) ກອງບັນຊາການ ປກສ ແຂວງໄຊສົມບູນ ໄດ້ຈັດພິທີທຳລາຍຈູດຢາເສບຕິດປະເພດຢາບ້າ 16.731 ເມັດ ໃນຕອນເຊົ້າຂອງວັນທີ 11 ຕຸລາ 2023 ໂດຍການເຂົ້າຮ່ວມຂອງທ່ານ ຕົ່ງມົວ ຊົວໂກ້ ຮອງເຈົ້້າແຂວງໆໄຊສົມບູນ, ມີ ພັອ ອິນປັນ ຍາດຕິວົງ ຮອງກອງບັນຊາການ ປກສ ແຂວງໄຊສົມບູນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ພັທ ທອງພຽນ ກົງສະເດັດ ຮອງຫົວໜ້າກອງບັນຊາການ ປກສ ແຂວງໄຊສົມບູນໃຫ້ຮູ້ວ່າ: ຜ່ານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃນໄລຍະຜ່ານມາມີຄະດີຢາເສບຕິດເກີດຂຶ້ນທັງໝົດ 69 ເລື່ອງ, ກັກຕົວຜູ້ຖືກຫາ ໄດ້ທັງໝົດ 95 ຄົນ, ຍິງ 17 ຄົນ, ຢຶດຂອງກາງປະເພດຢາບ້າ 23.093 ເມັດ, ເງິນ 8.850.000 ກີບ, ລົດຈັກ 12 ຄັນ, ໂທລະສັບ 8 ໜ່ວຍ, ສົ່ງສໍານວນຄະດີໃຫ້ອົງການໄອຍາການປະຊາຊົນແຂວງ, ໄດ້ສົ່ງຟອງໃຫ້ສານປະຊາຊົນແຂວງຕັດສິນ ທັງໝົດ 50 ເລື່ອງ, ມີຜູ້ຖືກຫາ 50 ຄົນ, ຍິງ 7 ຄົນ ແລະ ພວມດຳເນີນມີ 19 ເລື່ອງ, ມີຜູ້ຖືກຫາທັງໝົດ 45 ຄົນ, ຍິງ 10 ຄົນ.
ແຫຼ່ງຂ່າວ ວາລະສານ ປ້ອງກັນຄວາມສະຫງົບ