ພາຍຸໄຕ້ຝຸ່ນໂຄອິນຸພັດເຂົ້າຖະຫຼົ່ມໄຕ້ຫວັນ ດ້ວຍຄວາມແຮງ 340 ກມ/ຊມ ເຮັດໃຫ້ຜົນຕົກໜັກທົ່ວເກາະ ມີຜູ້ບາດເຈັບເກືອບ 400 ຄົນ ແລະ ເສຍຊີວິດ 1 ຄົນ.
ໃນວັນທີ 5 ຕຸລາ 2023 ທີ່ຜ່ານມາ ໜ່ວຍງານບໍລິຫານສະພາບອາກາດຂອງໄຕ້ຫວັນ ລາຍງານວ່າ ພາຍຸໄຕ້ຝຸ່ນໂຄອິນຸ (Koinu) ເຄື່ອນຕົວດ້ວຍຄວາມໄວສູງເຖິງ 342,72 ກິໂລແມັດຕໍ່ຊົ່ວໂມງ ໂດຍມັນໄດ້ພັດເຂົ້າເກາະຫຼານຢູ ໃນຕອນຄ່ຳຂອງວັນທີ 4 ຕຸລາ ທີ່ຜ່ານມາ ຈົນສ້າງສະຖິຕິເປັນພາຍຸໄຕ້ຝຸ່ນທີ່ມີລົມຮຸນແຮງສຸດເປັນປະຫວັດສາດທີ່ຖະຫຼົ່ມໄຕ້ຫວັນ.
ພາຍຸໄຕ້ຝຸ່ນໂຄອິນຸ ໄດ້ເຮັດໃຫ້ຄົນເສຍຊີວິດແລ້ວ 1 ຄົນ ແລະ ບາດເຈັບເກືອບ 400 ຄົນໃນໄຕ້ຫວັນ ກໍ່ໃຫ້ເກີດຄວາມເສຍຫາຍຢ່າງກວ້າງຂວາງ ແລະ ມີເຮືອນຫຼາຍກວ່າ 70 ລຳຂວ້ຳຈົມໃນທ່າເຮືອ ໂຮງຮຽນ 2 ແຫ່ງໄດ້ຮັບຄວາມເສຍຫາຍຫຼາຍ.
ພາຍຸລູກນີ້ ຄາດວ່າຈະອ່ອນຕົວລົງໃນວັນສຸກນີ້ ແລະ ຈະມຸ່ງໜ້າໄປທາງໃຕ້ຂອງຈີນ.
ທັ້ງນີ້ ຄາດວ່າ ພາຍຸໄຕ້ຝຸ່ນໂຄອິນຸ ຈະບໍ່ໄດ້ຮັບຜົນກະທົບໂດຍກົງຈາກພາຍຸ ອາດຈະພຽງຝົນຕົກເລັກໜ້ອຍ ຫາ ປານກາງໃນບາງເຂດເທົ່ານັ້ນ.
ແຫຼ່ງຂ່າວ CNA