spot_img
Homeຂ່າວການສຶກສາຄູລາວໄດ້ຮັບລາງວັນສົມເດັດເຈົ້າຟ້າມະຫາຈັກກຣີ

ຄູລາວໄດ້ຮັບລາງວັນສົມເດັດເຈົ້າຟ້າມະຫາຈັກກຣີ

Published on

ຄະນະມູນນິທິລາງວັນສົມເດັດເຈົ້າຟ້າມະຫາຈັກກຣີ ໄດ້ພົບປະກັບບັນດາຄູລາວທີ່ໄດ້ຮັບລາງວັນສົມເດັດເຈົ້າຟ້າມະຫາຈັກກຣີ, ໃນວັນທີ 4 ຕຸລາ ຜ່ານມາ ທີ່ສະຖານສະຖານເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈຳລາວ ຊຶ່ງມີພາກສ່ວນທີ່ກ່ຽວຂ້ອງ ແລະ ສີື່ມວນຊົນເຂົ້າຮ່ວມ.

ໃນການພົບປະຄັ້ງນີ້ ໄດ້ຮັບຟັງການນຳເໜີຄວາມເປັນມາຂອງລາງວັນສົມເດັດເຈົ້າຟ້າມະຫາຈັກກຣີ ຊຶ່ງລາງວັນດັ່ງກ່າວເປັນລາງວັນເພື່ອຍ້ອງຍໍເຊີດຊູກຽດຄູຜູ້ມີຜົນງານດີເດັ່ນ ແລະ ສ້າງຄຸນປະໂຫຍດຕໍ່ການສຶກສາໃນປະເທດຕ່າງໆໃນພາກພື້ນອາຊີຕາເວັນອອກສ່ຽງໃຕ້ ລວມມີ 11 ປະເທດຄື: ປະເທດບຣູໄນ, ອິນໂດເນເຊຍ, ກຳປູເຈຍ, ລາວ, ມາເລເຊຍ, ມຽນມາ, ຟີລິບປິນ, ສິງກະໂປ, ຕີມໍເລັດສະເຕ, ຫວຽດນາມ ແລະ ໄທ ຊຶ່ງການດຳເນີນການຄັດເລືອກຄູແມ່ນທຸກໆ 2 ປີ ໂດຍຄະນະກຳມະການມູນນິທິລາງວັນສົມເດັດເຈົ້າຟ້າມະຫາຈັກກຣີ ຈະສະເໜີກອບແນວຄິດ ແລະ ຄຸນລັກສະນະສະເພາະຂອງຄູຜູ້ສົມຄວນໄດ້ຮັບພຣະລາຊະທານລາງວັນສົມເດັດເຈົ້າຟ້າມະຫາຈັກກຣີ ໄປຫາກະຊວງສຶກສາທິການ 11 ປະເທດ, ສ່ວນການກຳນົດການຄັດເລືອກ ແລະ ກົນໄກແມ່ນຂຶ້ນກັບການພິຈາລະນາຂອງແຕ່ລະປະທດ ຊຶ່ງແຕ່ລະປະເທດແມ່ນເລືອກເອົາຄູ 1 ຄົນ.

ສຳລັບ ຄູຈາກ ສປປ ລາວ ທີ່ໄດ້ຮັບລາງວັນລາງວັນສົມເດັດເຈົ້າຟ້າມະຫາຈັກກຣີ ຜ່ານມາປະກອບມີ: ທ່ານນາງ ຄຳສ້ອຍ ວົງສຳພັນ ຈາກນະຄອນຫຼວງວຽງຈັນ (ປີ 2015), ທ່ານ ນາງ ຄຸນວິໄລ ເຄນກິດຕິສັກ ຈາກນະຄອນຫຼວງວຽງຈັນ (ປີ 2017), ທ່ານ ໄພສະນິດ ປັນຍາສະຫວັດ ຈາກແຂວງຫຼວງພະບາງ (ປີ 2019), ທ່ານ ນາງ ແສງເພັດ ຄຸນປະເສີດ ຈາກແຂວງອຸດົມໄຊ (ປີ 2021) ແລະ ສຳລັບທ່ານ ນາງ ກິມເຟືອງ ເຮືອງມະນີ ຈາກແຂວງເຊກອງ (ປີ 2023) ຊຶ່ງຈະໄປຮັບເອົາລາງວັນສົມເດັດເຈົ້າຟ້າມະຫາຈັກກຣີ ເປັນລຸ້ນທີ 5 ໃນວັນທີ 17 ຕຸລາ 2023 ທີ່ຈະມາເຖິງ ທີ່ກຸງເທບມະຫານະຄອນ ປະເທດໄທ.

ບັນດາຄູທີ່ໄດ້ຮັບລາງວັນສົມເດັດເຈົ້າຟ້າມະຫາຈັກກຣີ ແຕ່ລະລຸ້ນທີ່ຜ່ານມາແມ່ນມີກຽດສັກສີອັນສູງສົ່ງຕໍ່ກັບຜູ້ທີ່ມີອາຊີບເປັນຄູ ທັງເປັນການໃຫ້ກຳລັງໃຈໃຫ້ແກ່ຄູ, ເປັນໂອກາດໃຫ້ບັນດາຄູທີ່ມີຄຸນງາມຄວາມດີ ຄວາມເກັ່ງກ້າສາມາດ ໄດ້ມີການພັດທະນາຕໍ່ໄປໃນຕົວ ແລະ ພັດທະນາທາງດ້ານການສຶກສາ ແລະ ພັດທະນາລວມກັບບັນດາຄູໃນ 10 ປະເທດ, ສະນັ້ນບັນດາຄູທັງໝົດເຫຼົ່ານີ້ຈະເປັນສື່ໂຄສະນາເຜີຍແຜ່ຄຸນງາມຄວາມດີອອກໃຫ້ບັນດາຄູໃນທົ່ວປະເທດ ແລະ ເພື່ອນຄູທົ່ວອາຊີຕາເວັນອອກສ່ຽງໃຕ້ ໄດ້ຮັບຮູ້ເຖິງວຽກງານການພັດທະນາການສຶກສາ.

ທີ່ມາ:ປະຊາຊົນ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...