spot_img
Homeຂ່າວຢາເສບຕິດເຈົ້າໜ້າທີ່ດ່ານພາສີນະຄອນພະນົມ ກວດພົບຢາເສບຕິດໃນລົດບັນທຸກທີ່ມາຈາກລາວ

ເຈົ້າໜ້າທີ່ດ່ານພາສີນະຄອນພະນົມ ກວດພົບຢາເສບຕິດໃນລົດບັນທຸກທີ່ມາຈາກລາວ

Published on

ໃນວັນທີ 3 ກັນຍາ 2023 ຜ່ານມາ, ເຈົ້າໜ້າທີ່ດ່ານພາສີນະຄອນພະນົມ ຮ່ວມກັບເຈົ້າໜ້າທີ່ຕຳຫຼວດໄທ ແລະ ເຈົ້າໜ້າທີ່ກ່ຽວຂ້ອງອອກມາຖະແຫຼງຂ່າວທີ່ດ່ານພາສີນະຄອນພະນົມສາມາດກວດພົບ ແລະ ຍຶດຍາໄອສໄດ້ 50 ກິໂລກຼາມເຊິ່ງບັນຈຸຢູ່ໃນຖົງປຸ໋ຍເຊື່ອງມາກັບລົດບັກທຸກປູນ ໝາຍເລກທະບຽນ ບຄ 1855 ກຳແພງນະຄອນ ແລະ ທະບຽນພວງ ບກ 1568 ເຊິ່ງເປັນລົດບັນທຸກມາຈາກປະເທດລາວ.

ເຈົ້າໜ້າທີ່ດ່ານພາສີຝັ່ງຂາເຂົ້າກວດພົບເຫັນຢາໄອ ເຊິ່ງບັນຈຸຢູ່ໃນຖົງປຸ໋ຍທີ່ມາກັບລົດ ຫຼາຍເຖິງ 800 ກະສອບ ນອກຈາກນີ້ຍັງມີຢາສູບໜີພາສີອີກ 267 ຕຸດຈຳນວນ 53,400 ກອກ ທີ່ຊຸກເຊື່ອງມາກັບລົດຄັນດັ່ງກ່າວດ້ວຍ ເຊິ່ງຂະນະທີ່ເຈົ້າໜ້າທີ່ກຳລັງກວດຄົ້ນລົດບັນທຸກສິນຄ້າຢູ່ນັ້ນ ຄົນຂັບລົດທຳທ່າໄປຍື່ນເອກະສານຂາເຂົ້າຈຶ່ງໄຫວໂຕທັນ ແລະ ສາມາດຫຼົບໜີໄດ້ການຈັບກຸມຂອງເຈົ້າໜ້າທີ່ໄດ້ ເຊິ່ງທາງເຈົ້າໜ້າທີ່ຈະເລັ່ງກວດສອບການນຳເຂົ້າສິນຄ້າດັ່ງກ່າວຈາກດ່ານຂາອອກຝັ່ງລາວເພື່ອຂະຫຍາຍຜົນຫາຜູ້ຮ່ວມຂະບວນການມາດຳເນີນການຕາມທາງກົດໝາຍຕໍ່ໄປ.

ທີ່ມາ: ຂ່າວເດັດ77

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...