ເມືອງໂພນໂຮງ ແຈ້ງມີຄວາຍປະຊາຊົນພັດຫລົງມາ ຢູ່ຂອບເຂດບ້ານໜອງບົວ ຫາກໃຜເປັນເຈົ້າຂອງໃຫ້ເຂົ້າມາພົວພັນ ພາຍໃນ 15 ວັນ ຖ້າກາຍກຳນົດຈະຢຶດເປັນຂອງລັດ.

ວັນທີ 4 ຕຸລາ 2023, ຫ້ອງວ່າການເມືອງໂພນໂຮງ ແຈ້ງມາຍັງບັນດາທ່ານຜູ້ຮັບຜິດຊອບບ້ານ, ເລຂາພັກບ້ານແລະ ນາຍບ້ານ 59 ບ້ານທົ່ວເມືອງຊາບວ່າ: ອົງການປົກຄອງບ້ານ ໜອງບົວ ມີຄວາຍຈໍານວນ 1 ໂຕ (ເພດແມ່ ) ໄດ້ພັດຫລົງ ເຂົ້າມາຢູ່ໃນຂອບເຂດບ້ານໜອງບົວ ເຊິ່ງບໍ່ຮູ້ສາເຫດວ່າຍ້ອນຫຍັງຈຶ່ງພັດຫລົງມາ ແລະ ບໍ່ຮູ້ວ່າແມ່ນໃຜເປັນເຈົ້າຄວາຍດັ່ງກ່າວ ປັດຈຸບັນສັດລ້ຽງດັ່ງກ່າວນັ້ນ ອົງການປົກຄອງບ້ານໄດ້ມອບໃຫ້ປະຊາຊົນເປັນຜູ້ຮັກສາ ຄຸ້ມຄອງ ແລະ ໃຫ້ອາຫານເປັນປົກກະຕິໄດ້ໄລຍະໜຶ່ງແລ້ວ ສະນັ້ນ, ຈຶ່ງແຈ້ງ ມາຍັງທຸກພາກສ່ວນຕະຫລອດຮອດປະຊາຊົນບັນດາເຜົ່າ ຮັບຊາບວ່າເປັນສັດລ້ຽງຂອງ ພາກສ່ວນໃດ ຫຼື ບຸກຄົນໃດ ໃຫ້ມາພົວພັນກັບພາກສ່ວນກ່ຽວຂ້ອງ ແລະ ມີຂໍ້ມູນມາຢັ້ງຢືນວ່າເປັນເຈົ້າຂອງ ສັດແທ້ ຕາມກໍານົດເວລາ 15 ວັນ ນັບແຕ່ມື້ອອກແຈ້ງການສະບັບນີ້ເປັນຕົ້ນໄປ ຖ້າຫາກບໍ່ມີພາກສ່ວນໃດ ເຂົ້າມາພົວພັນເອົາສັດດັ່ງກ່າວທາງອົງການປົກຄອງເມືອງຈະໄດ້ຮິບເອົາເປັນຂອງລັດ.

ທີ່ມາ: Lao Youth