ສຳນັກຂ່າວທ້ອງຖິ່ນຂອງອິຣັກລາຍງານໃນວັນທີ 27 ກັນຍາ 2023 ນີ້ວ່າ: ເກີດເຫດໄຟໄໝ້ງານແຕ່ງດອງ ທີ່ເມືອງນິເນເວ ທາງພາກເໜືອຂອງອິຣັກ ເຮັດໃຫ້ມີຄົນເສຍຊີວິດຢ່າງນ້ອຍ 115 ຄົນ ແລະ ໄດ້ຮັບບາດເຈັບອີກກວ່າ 150 ຄົນ ເຊິ່ງເຈົ້າໜ້າທີ່ຄາດວ່າເຈົ້າບ່າວ ແລະ ເຈົ້າສາວຕົກເປັນເຫຍື່ອຂອງເຫດການໄຟໄໝ້ຄັ້ງນີ້ດ້ວຍ.
ເຫດການໄຟໄໝ້ຄັ້ງນີ້ເກີດຂຶ້ນ ໃນເຂດອາວ-ຣຳດານິຍະ ໃນຕອນແລງຂອງວັນທີ 26 ກັນຍາ 2023 ຜ່ານມາ, ແຕ່ຍັງບໍ່ມີໃຜຮູ້ສາເຫດທີ່ແທ້ຈິງ ໂດຍມີລາຍງານເບທ້ອງຕົ້ນລະບຸວ່າ: ໄຟໄໝ້ເກີດຂຶ້ນລັງມີການຈູດດອກໄມ້ໄຟ ເຊິ່ງຜູ້ເຫັນເຫດການໄດ້ລະບຸວ່າ: ມີຄົນເຂົ້າຮ່ວມສະເຫຼີມສະຫຼອງຫຼາຍຮ້ອຍຄົນໃນອາຄານດັ່ງກ່າວກ່ອນທີ່ຈະເກີດເຫດໄຟໄໝ້ ສ່ວນອີກສາເຫດເກີດມາຈາກາກນໃຊ້ວັດສະດຸກໍ່ສ້າງໃນການຈັດງານແຕ່ງຈຶ່ງເຮັດໄຟຕິດແລ້ວລາມໄດ້ງ່າຍ ເຮັດໃຫ້ໄຟໄໝ້ບາງສ່ວນຂອງສະຖານທີ່ຈັດງານພັງລົງມາ.
ດ້ານາຍົກລັດຖະມົນຕີອີຣັກລະບຸວ່າ: ມີການສສົ່ງທີມແພດ ແລະ ພະຍາບານໄປສະຖານທີ່ເກີດເຫດທັນທີ ພ້ອມບອກໃຫ້ເຈົ້າໜ້າທີ່ລະດົມຄວາມພະະຍາຍາມທັງໝົດ ເພື່ອບັນເທົາທຸກໃຫ້ກັບຜູ້ທີ່ໄດ້ຮັບຜົນກະທົບຈາກເຫດການໃນຄັ້ງນີ້.