ໃນປະຈຸບັນສື່ອອນລາຍໄດ້ມີຄວາມສົນໃຈ ແລະ ເປັນທີ່ວິພາກວິຈານກ່ຽວກັບເລື່ອງຄີຣນິກແຫ່ງໜື່ງໃນເທດສະບານ ເມືອງທ່າແຂກ ແຂວງຄຳມ່ວນ ທີ່ມີຜູ້ປ່ວຍເຂົ້າໄປກວດພະຍາດ ແລ້ວ ທາງ ຄີຣນິກ ກໍ່ໄດ້ມີການກວດຕາມຫຼັກການວິຊາສະເພາະຂອງແພດໝໍ ຈື່ງເຮັດໃຫ້ຜູ້ທີ່ເຂົ້າໄປຮັບການປີ່ນປົວເກີດຄວາມເຂົ້າໃຈຜິດ ຄິດວ່າແພດໝໍລ່ວງລະເມີດຄວາມເປັນສ່ວນຕົວຂອງຜູ້ກ່ຽວ ຈາກນັ້ນຜູ້ກ່ຽວຈື່ງໄດ້ສົ່ງຂໍ້ຄວາມຫາຫມູ່ ວ່າ : ດ໋ອກເຕີ ໃນຄີຣນິກແຫ່ງໜື່ງໄດ້ລ່ວງລະເມີດຄວາມເປັນສ່ວນຕົວຂອງຕົນໃນຄັ້ງວັນທີ່ 17 ກັນຍາ 2023.
ດັ່ງນັ້ນ ນາງ ຈັນທະໄລ ຊຸລີໂຊກ ຫຼຶ ປານິກ ຊຸລິໂຊກ ເຊີ່ງເປັນໝູ່ຂອງຜູ້ທີ່ເຂ້າມາປີ່ນປົວຈື່ງເກີດຄວາມບໍ່ພໍໃຈ ແລະ ໄດ້ຂຽນຂໍ້ຄວາມລົງຜ່ານເຟດສບຸກສ່ວນຕົວອອກຊື່ PaNick Zoulixok ວ່າມີໜູ່ຂອງຜູ້ກ່ຽວໄດ້ໄປກວດພະຍາດຢູ່ຄີຣນີກແຫ່ງດັ່ງກ່າວ ແລ້ວໄດ້ເວົ້າວ່າ : ດ໋ອກເຕີຢູ່ຄີຣນິກແຫ່ງດັ່ງກ່າວນັ໊ນ ໄດ້ລ່ວງລະເມີດສິດສ່ວນຕົວຂອງໜູ່ຕົນເອງ. ຈື່ງເຮັດໃຫ້ມີຜູ້ຄົນໃນສື່ອອນລາຍ ຕາມເຟດສບຸກເຂົ້າໄປເບີ່ງ ແລະ ເກີດຄວາມສົນໃຈ ໃນເລື່ອງຕ່າງໆທີ່ຕົນເອງໄດ້ໂພດລົງໄປນັ້ນ ດັ່ງນັ້ນຈື່ງເຮັດໃຫ້ສັງຄົມເກີດມີຄວາມບໍ່ສະຫງົບ. ຕໍ່ມາໄດ້ມີເຟດສບຸກຂອງກຸ່ມຄົນບໍ່ດີ ໄດ້ນຳໄປເຜີຍແຜ່ ແລະ ໄດ້ອອກຊື່ວ່າ ເປັນຄີຣນິກ ຂອງ ດຣ ແສງຈັນ.ຈື່ງເຮັດໃຫ້ຄີຣນິກດັ່ງກ່າວເຊື່ອມເສຍ ແລະ ຂາດຄວາມເຊື່ອຖືຕໍ່ຜູ້ມາຮັບການປີ່ນປົວ.
ຈາກນັ້ນທາງເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານການຄ້າມະນຸດ ປກສ ແຂວງຄຳມວ່ນ ຈື່ງໄດ້ ປະສານສົມທົບກັບພາກສ່ວນທີ່ກ່ຽວຂ້ອງລົງເກັບກຳຂໍ້ມູນເຫັນວ່າບໍ່ມີມູນຄວາມຈິງ ແລະ ໄດ້ເອີ້ນ ນາງ ຈັນທະໄລ ຊຸລິໂຊກ ຫຼື ນາງ ປານິກ ຜູ້ນຳໃຊ້ເຟດສບຸກອອກຊື່ PaNick Zoulixok ມາໃຫ້ຂໍ້ມູນຜ່ານການເກັບກຳຂໍ້ມູນແມ່ນເຫັນວ່າ : ນາງ ປານິກ ແມ່ນໄດ້ໂພດສຜ່ານສື່ອອນລາຍແທ້ຈິງ ແຕ່ຜູ້ກ່ຽວບໍ່ມີເຈດຕະນາ ອອກຊື່ນາມ ຫຼື ໃສ່ຮ້າຍປ້າຍສີ ຄີຣນີກຂອງຜູ້ໃດ, ຕໍ່ການກະທຳຂອງຜູ້ກ່ຽວຈື່ງເຮັດໃຫ້ນາງ ຈັນທະໄລ ຫຼື ປານີກ ຮູ້ສືກຜິດ ແລະ ກີນແໜງແຄງໃຈ ຕໍ່ການກະທຳຂອງຕົນ ທີ່ຮູ້ເທົ່າບໍ່ເຖີ່ງການທີ່ໄດ້ກະທຳລົງໄປນັ້ນ ສະນັ້ນຕົນເອງຈື່ງໄດ້ອອກມາຂໍໂທດສັງຄົມຜ່ານສື່ອອນລາຍທີ່ໄດ້ເຮັດໃຫ້ພໍ່ແມ່ປະຊາຊົນນທຸກຊັ້ນຄົນເກີດຄວາມເຂົ້າໃຈຜິດຕໍ່ ຄິຣນີກດັ່ງກ່າວ.
ຕໍ່ກັບເຫດການດັ່ງ່ກາວຈື່ງຮຽກຮ້ອງມາຍັງຜູ້ນຳໃຊ້ສື່ອອນລາຍ ໃນທົ່ວສັງຄົມຈົ່ງມີສະຕິລະວັງຕົວໃນການເສບຂ່າວ ຫຼື ຄອນເມັ້ນຂ່າວຕ່າງງໆ ທີ່ບິດເບື່ອນຄວາມເປັນຈິງ ທີ່ເຮັດໃຫ້ສັງຄົມບໍ່ມີຄວາມສະຫົງບ ແລະ ຄວາມບໍ່ເປັນລະບຽບຮຽບຮ້ອຍ.
ຂໍ້ມູນ: ຄວາມສະຫງົບແຂວງຄຳມ່ວນ